Պատմության հետագծով

-1924 թ. հունվարի 11-ին Երեւանում հիմնադրվեց «Գիրք» հրատարակչական ընկերությունը՝ Մարտիրոս Սարյանի ղեկավարությամբ։

-1935 թ. հունվարի 11-ին Ամելիա Էրհարթը ինքնաթիռով միայնակ հատեց Ատլանտյան օվկիանոսը. նա առաջին կին օդաչուն էր, ում հաջողվեց դա անել։

-1966 թ. հունվարի 11-ին բացվեց Թբիլիսիի մետրոպոլիտենը։

-1972 թ. հունվարի 11-ին Արեւելյան Պակիստանի անունը դարձավ Բանգլադեշ`  երկիր Հարավային Ասիայում։ Հյուսիսից, արեւելքից ու արեւմուտքից սահմանակցում է Հնդկաստանին, ծայր հարավ-արեւելքում՝ Մյանմային. հարավում Հնդկական օվկիանոսն է։

-1693 թ. հունվարի 11-ին Սիցիլիայում տեղի ունեցած ուժեղ երկրաշարժի հետեւանքով մահացավ մոտ 60 հազար մարդ։

-1993 թ. հունվարի 11-ին եթեր հեռարձակվեց «WWE» կազմակերպության «WWE Raw» պրոֆեսիոնալ ըմբշամարտի առաջին հեռուստաշոուն։

-2010 թ. հունվարի 11-ին մահացել է Ֆադեյ Սարգսյանը՝ գիտնական, ակադեմիկոս, քաղաքական գործիչ, Հայաստանի գիտությունների ազգային ակադեմիայի նախկին նախագահ, ՀԽՍՀ Մինիստրների խորհրդի նախագահ, ՀՀ ԱԺ նախկին պատգամավոր, գեներալ:

-1947 թ. հունվարի 11-ին ծնվել է Նիկոլայ Ղազարյանը՝  հայ ֆուտբոլիստ (մարզիչ՝ Ա. Դուրգարյան), ձախ եզրային հարձակվող, ԽՍՀՄ սպորտի վարպետ։ 1965 թ. հրավիրվել է Երեւանի «Արարատ» (մարզիչ՝ Ա. Ֆալյան), որի կազմում հանդես է եկել ԽՍՀՄ առաջնության բարձրագույն խմբում մինչեւ 1976 թ.։

-1801 թ. հունվարի 11-ին մահացել է Դոմենիկո Չիմարոզան՝ իտալացի երգահան, ավելի քան 80 օպերայի հեղինակ (ծնվ.՝ 1749 թ.)։

-1879 թ. հունվարի 11-ին Անգլիան պատերազմ հայտարարեց զուլուսներին, եւ սկսվեց անգլո-զուլուսական պատերազմը։

-1787 թ. հունվարի 11-ին Ուիլիամ Հերշելը հայտնաբերեց Ուրանի Տիտանիա եւ Օբերոն արբանյակները։