Պատմության հետագծով

-1916 թ. հունվարի 15-ին ծնվել է Գրիգոր Տեր-Գրիգորյանը՝ հայ դրամատուրգ, ՀԽՍՀ արվեստի վաստակավոր գործիչ (մահ.՝ 1981 թ.):

-1919 թ. հունվարի 15-ին ԱՄՆ-ի Բոստոն քաղաքը հեղեղվեց օշարակով, այն հորդել էր ալկոհոլային գործարանի օշարակի հսկայական պահեստից, զոհվեց 21 մարդ:

-730 թ. հունվարի 15-ին Բյուզանդական կայսրությունում արգելվեց սրբապատկերների պաշտամունքը, այն համարվեց հանցագործություն:

-1759 թ. հունվարի 15-ին բացվեց Լոնդոնի Բրիտանական թանգարանը՝ աշխարհի ամենամեծ թանգարաններից մեկը:

-1891 թ. հունվարի 15-ին ծնվել է Օսիպ Մանդելշտամը՝ ռուս բանաստեղծ, թարգմանիչ եւ գրականագետ (մահ.՝ 1938 թ.):

-1841 թ. հունվարի 15-ին մահացել է Ֆրիդրիխ Պարրոտը՝ գերմանացի գիտնական, բնագետ, բժիշկ, 1829 թ. Խաչատուր Աբովյանի հետ միասին բարձրացել է Արարատի գագաթը (ծնվ.՝ 1792 թ.):

-1929 թ. հունվարի 15-ին ծնվել է Մարտին Լյութեր Քինգը՝ ամերիկացի ճարտարալեզու բապտիստ քարոզիչ, ով առաջնորդել է ԱՄՆ-ում քաղաքացիական իրավունքների զանգվածային շարժում, արժանացել է խաղաղության Նոբելյան մրցանակի (մահ.՝ 1968 թ.)

-1943 թ. հունվարի 15-ին ավարտվեց ԱՄՆ-ի պաշտպանության նախարարության շենքի՝ Պենտագոնի կառուցումը:

-2001 թ. հունվարի 15-ին ստեղծվեց Վիքիպեդիան՝ ազատ բովանդակությամբ բազմալեզու հանրագիտարանային նախագիծը:

-1559 թ. հունվարի 15-ին Եղիսաբեթ I-ը թագադրվում է որպես Անգլիայի թագուհի:

-1892 թ. հունվարի 15-ին ծնվել է Հրաչ Զարդարյանը՝ գրող։ Արեւմտահայ գրող, թարգմանիչ, խմբագիր, հասարակական, քաղաքական գործիչ Ռուբեն Զարդարյանի որդին է։

-1905 թ. հունվարի 15-ին ծնվել է Աղասի Սարգսյանը՝ խորհրդային պետական եւ կուսակցական աշխատող, ՀԽՍՀ վաստակավոր իռիգատոր (1960)։

-1911 թ. հունվարի 15-ին ծնվել է Սոս Մանուկյանը՝ հայ խորհրդային ճարտարապետ։ ՀԽՍՀ վաստակավոր ճարտարապետ (1961)։

-1922 թ. հունվարի 15-ին ծնվել է Սոկրատ Աքմաքչյանը՝ հայ բեմադրիչ, ՀԽՍՀ արվեստի վաստակավոր գործիչ։

-1924 թ. հունվարի 15-ին ծնվել է Ալեքսանդր Մարգարյանը՝ հայ լեզվաբան, բանասիրական գիությունների դոկտոր (1967 թ.), պրոֆեսոր (1969 թ.)։

-1940 թ. հունվարի 15-ին ծնվել է Մելանյա Աստվածատրյանը՝ հայ մանկավարժ, մանկավարժական գիտությունների դոկտոր (1989), պրոֆեսոր (2003)։