-2007 թ. հունվարի 19-ին սպանվեց Հրանտ Դինքը՝ պոլսահայ լրագրող, Թուրքիայում հայերենով եւ թուրքերենով տպագրվող միակ ամսաթերթի՝ «Ակոսի» գլխավոր խմբագիրը, Թուրքիայի մտավորականներից մեկը, ով հայտնի էր իր անվախ ելույթներով, քաղաքական ամենախճճված խնդիրները մեկնաբանող համարձակ հոդվածներով։
-1987 թ. հունվարի 19-ին ծնվել է Էդգար Մանուչարյանը՝ հայ ֆուտբոլիստ, հարձակվող:
-1901 թ. հունվարի 19-ին ծնվել է Լեւոն Եվանգուլյանցը՝ հայ խորհրդային ինժեներ, մեխանիկ։ Զբաղվում էր շարժիչների փորձարարական տեխնիկայի եւ մեթոդիկայի հարցերով։ Եվանգուլյանցին է պատկանում ռոտորային շարժիչների հիդրավլիկական արգելակի կոնստրուկցիան։ Արժանացել է ԽՍՀՄ պետական մրցանակի (1951)։
-1910 թ. հունվարի 19-ին ծնվել է Հրաչյա Քոչարը՝ հայ արձակագիր, հրապարակախոս, ՀԽՍՀ պետական մրցանակի առաջին դափնեկիր (1967, «Նահապետը» վիպակի համար), ԽՍՀՄ գրողների միության անդամ՝ 1934 թվականից, ԽՄԿԿ անդամ՝ 1939 թվականից։ Գրական անուն է դարձրել հոր անունը։ Հայրենական մեծ պատերազմի մասնակից։
-1958 թ. հունվարի 19-ին ծնվել է Կարեն Քոչարյանը՝ հաղորդավար
-1990 թ. հունվարի 19-ին մահացել է Մովսես Գորգիսյանը՝ հայ քաղաքական գործիչ, հրապարակախոս, Ղարաբաղյան շարժման առաջնորդներից մեկը։ Հայաստանի ազգային հերոս։
-2000 թ. հունվարի 19-ին մահացել է Բորիս Խաչատուրովը՝ օդաչու-հրամանատար, ՀՀ բանակի գնդապետ (1998), Արցախյան ազատամարտի մասնակից։
-2000 թ. հունվարի 19-ին մահացել է Վլադիմիր Խաչատրյանը՝ օդաչու-հրամանատար, ՀՀ բանակի գնդապետ (1988)։ Ավարտել է Սիզրանի (Սամարայի մարզ, Ռուսաստան) ռազմաօդային բարձրագույն ուսումնարանը (1966)։ 1992-1994 թվականներին կամավոր մասնակցել է ՀՀ սահմանների եւ Արցախի ինքնապաշտպանությանը։ 1992 թվականի հունիսի 26-ին Կուբաթլուի շրջանի Ջիջիմլի գյուղի մոտ ուղղաթիռով վայրէջք է կատարել եւ փրկել խփված երկու ուղղաթիռների շրջապատման մեջ հայտնված անձնակազմերին։ Տասնվեց տեղից վնասված ուղղաթիռով կարողացել է բարեհաջող վայրէջք կատարել Գորիսի օդանավակայանում։ Զոհվել է հերթական մարտական առաջադրանքը կատարելիս՝ ուղղաթիռի վթարից։ Պարգեւատրվել է Հայաստանի Հանրապետության «Մարտական խաչ» 2-րդ աստիճանի շքանշանով եւ ԽՍՀՄ մեդալներով։ Թաղված է Եռաբլուրում։
-2002 թ. հունվարի 19-ին մահացել է Կիմ Արզումանյանը՝ ռեժիսոր, բեմադրիչ:
-1601 թ. հունվարի 19-ին ծնվել է Գվիդո Գանյաչին՝ իտալացի ուշ բարոկկո ժամանակաշրջանի նկարիչ (մահ. 1663 թ.):
-1853 թ. հունվարի 19-ին տեղի ունեցավ Ջուզեպպե Վերդիի «Տրուբադուր» օպերայի առաջնախաղը:
-1865 թ. հունվարի 19-ին ծնվել է Վալենտին Սերովը՝ ռուս նկարիչ, գրաֆիկայի վարպետ (մահ. 1911 թ.):
-1922 թ. հունվարի 19-ին ծնվել է Եժի Կավալերովիչը՝ ծագումով հայ, լեհ նշանավոր կինոռեժիսոր, դրամատուրգ (մահ. 2007 թ.):
-1991 թ. հունվարի 19-ին Սադդամ Հուսեյնի հրամանով մոտ 816000 տոննա նավթ լցվեց Պարսից ծոց:
-1966 թ. հունվարի 19-ին Ինդիրա Գանդին դարձավ Հնդկաստանի վարչապետ:
