Պատմության հետագծով

-1879 թ. փետրվարի 5-ին ծնվել է Հովհաննես Ադամյանը՝ հայ ճարտարագետ եւ գյուտարար, գունավոր հեռուստատեսության եւ լուսահեռագրության գյուտարարը (մահ.՝ 1932 թ.):

-1957 թ. փետրվարի 5-ին ծնվել է Ֆլորա Մարտիրոսյանը՝  հայ երգչուհի, ՀՀ ժողովրդական արտիստ, Կոմիտասի անվան միջազգային երաժշտական դպրոցի հիմնադիր, «Artists for Peace» բարեգործական կազմակերպության հիմնադիր, «Never Again» մշակութային շարժման նախաձեռնող։ Հայտնի է ժողովրդական երգերի կատարմամբ։

-1957 թ. փետրվարի 5-ին սկսեց հեռարձակվել Հայաստանի հանրային հեռուստատեսությունը:

-1993 թ. փետրվարի 5-ին արցախյան ազատամարտի ժամանակ ԼՂՀ ինքնապաշտպանական ուժերը լայնածավալ հարձակում սկսեցին Մարտակերտի ռազմաճակատում, որն ավարտվեց Հորադիզում, Կուբաթլուում, Ջաբրայիլում, Ֆիզուլիում եւ Զանգելանում կենտրոնացված հակառակորդի ռազմական խմբավորումների ջախջախմամբ:

-2003 թ. փետրվարի 5-ին Հայաստանը դարձավ Առեւտրի համաշխարհային կազմակերպության անդամ: Միջկառավարչական կազմակերպություն է, որ կարգավորում է միջազգային առեւտուրը։ Սա աշխարհի ամենամեծ միջազգային տնտեսական կազմակերպությունն է։ ԱՀԿ-ի գործառութների մեջ են մտնում առեւտրի կարգավորումները ապրանքների, ծառայությունների եւ մտավոր սեփականության ոլորտներում, մասնակից երկրների միջեւ նրանց տրամադրելով շրջանակ առեւտրի համաձայնագրերի եւ վեճերի լուծման գործընթացների, բանակցությունների համար՝ նպատակ ունենալով ուժեղացնել մասնակիցների հավատը ԱՀԿ-ի համաձայնագրերի նկատմամբ, որոնք ստորագրել են կառավարությունների ներկայացուցիչ անդամները հաստատել իրենց խորհրդարանները։

-1880 թ. փետրվարի 5-ին Սանկտ Պետերբուրգի Ձմեռային պալատում ահաբեկչական պայթյուն տեղի ունեցավ, մահացավ 11 մարդ, եւս 56-ը վիրավորվեցին:

-1919 թ. փետրվարի 5-ին Չառլի Չապլինը, Դուգլաս Ֆերբենքսը, Մերի Փիքֆորդը եւ Դեւիդ Գրիֆիտը ստեղծեցին «United Artists» կինոընկերությունը:

-1900 թ. փետրվարի 5-ին ծնվել է Հայկ Ասատրյանը՝ հայ հասարակական-քաղաքական գործիչ, խմբագիր, փիլիսոփա։ Հայկական ցեղային շարժման գլխավոր գործիչներից մեկն է, Նժդեհի գլխավոր՝ գուցե եւ միակ խորհրդատուն։

-1938 փետրվարի 5-ին ծնվել է Լեւոն Հակոբյանը՝ քիմիկոս (վախճ.՝ 1999 թ.):

-1948 թ. փետրվարի 5-ին ծնվել է Լավրենտ Վարդանյանը՝ հայ նկարիչ:

-1956 թ. փետրվարի 5-ին ծնվել է Սյուզան Խարդալյանը՝ շվեդահայ լրագրող, հրապարակախոս եւ փաստավավերագրական ֆիլմերի ռեժիսոր։