Պատմության հետագծով

-1929 թ. փետրվարի 11-ին Վատիկանն անկախացավ Իտալիայից։

-1979 թ. փետրվարի 11-ին Իրանում ավարտվեց իսլամական հեղափոխությունը:

-1884 թ. փետրվարի 11-ին ծնվել է Աշխարհբեկ Քալանթարը՝ հայ մեծավաստակ գիտնական, հայագետ եւ հնագետ (մահ.՝ 1942 թ.): 1919 թ. Երեւանի պետական համալսարանի յոթ հիմնադիր դասախոսներից էր, որտեղ նաեւ ստեղծեց հնագիտության եւ արեւելագիտության ամբիոնը։ 1922 թ. հրատարակեց հնագիտության առաջին հայերեն դասագիրքը։ Մինչ այդ՝ 1918-1919 թթ. դասախոսել է Թիֆլիսի Անդրկովկասյան համալսարանում՝ ընդգրկվելով հայկական համալսարանի հիմնադրման հանձնաժողովի կազմում։ 1929 թ. նրան շնորհվել է պրոֆեսորի կոչում:

-1929 թ. փետրվարի 11-ին ծնվել է Ալբերտ Ազարյանը՝ հայ մարմնամարզիկ։ ԽՍՀՄ սպորտի վաստակավոր վարպետ (1954), ՀԽՍՀ վաստակավոր մարզիչ, ՀԽՍՀ ֆիզկուլտուրայի եւ սպորտի վաստակավոր գործիչ (1967)։ Օլիմպիական խաղերի եռակի (1956, 1960), աշխարհի (1954, 1958), Ասիական խաղերի (1963), Եվրոպայի չեմպիոն։ Մարմնամարզության միջազգային ֆեդերացիայի հավաստագրման համաձայն՝ օղակների վրա նրա կատարած վարժությունների համալիրը պաշտոնապես անվանակոչվեց «Ազարյանական խաչ»։

-1650 թ. փետրվարի 11-ին մահացել է Ռենե Դեկարտը՝ ֆրանսիացի փիլիսոփա, մաթեմատիկոս, ֆիզիկոս, ով կյանքի մեծ մասն անցկացրել է Հոլանդական Հանրապետությունում։ Մինչ այսօր ուսումնասիրվող իր աշխատությունների շնորհիվ երբեմն համարվում է ժամանակակից փիլիսոփայության հայրը։ Մասնավորապես՝ «Առաջին փիլիսոփայության խորհումներ» աշխատությունը մինչ այսօր շարունակում է փիլիսոփայության շատ դասընթացների ստանդարտ ուսումնասիրության թեմա լինել։ Դեկարտի փիլիսոփայությունը կապված է մաթեմատիկայի, ֆիզիկայի եւ տիեզերածնության բնագավառներում նրա հետազոտությունների հետ, եւ իր լատինականացված անունով կոչվել է կարտեզիականություն։ Որպես փիլիսոփա համարում էր, որ դատողության հավաստիության հիմքը մտածող սուբյեկտի գոյությունն է:

-1829 թ. փետրվարի 11-ին մահացել է Ալեքսանդր Գրիբոյեդովը՝ ռուս դրամատուրգ, բանաստեղծ, դիվանագետ, «Խելքից պատուհաս» (1824-28) կատակերգության հեղինակ։ 1810 թ. ավարտել է Մոսկվայի համալսարանի բանասիրական եւ իրավաբանական ֆակուլտետները, ապա սովորել նաեւ ֆիզիկամաթեմատիկական ֆակուլտետում։ Ուսանողական տարիներին շփվել է ապագա դեկաբրիստների հետ։ Առաջին գործը «Երիտասարդ ամուսիններ» կատակերգությունն էր։

-1818 թ. փետրվարի 11-ին ծնվել է Անտոն Գարագաշյանը՝ հայ պատմաբան, փիլիսոփա-տրամաբան, լեզվաբան (վախճ.՝ 1903 թ.):

-1847 թ. փետրվարի 11-ին ծնվել է Թոմաս Էդիսոնը՝ ամերիկացի գործարար եւ խոշորագույն գյուտարարներից, արտոնագրել է ավելի քան 1000 գյուտ, այդ թվում՝ էլեկտրական լամպը, ձայնագրիչը, կառուցել է աշխարհի առաջին ջերմաէլեկտրակայանը։