Պատմության հետագծով

-1865 թ. մարտի 17-ին ծնվել է Մանուկ Աբեղյանը՝ լեզվաբան, գրականագետ (վախճ.՝ 1944 թ.)։ Հայագետ, հասարակական գործիչ, բառարանագիր, բանահավաք, պրոֆեսոր (1926), բանասիրական գիտությունների դոկտոր (1935), ՀԽՍՀ Գիտությունների ակադեմիայի ակադեմիկոս (1943), ՀԽՍՀ գիտության վաստակավոր գործիչ (1935), արեւելահայերենի արդի ուղղագրության հեղինակ։

-1905 թ. մարտի 17-ին մահացել է Քրիստափոր Միքայելյանը՝ հայ հեղափոխական գործիչ, ՀՅԴ հիմնադիրներից:

-1964 թ. մարտի 17-ին ծնվել է Ռոբերտ Հակոբյանը՝ հայ դերասան, Հայաստանի վաստակավոր արտիստ (2007):

-1930 թ. մարտի 17-ին ծնվել է Ջեյմս Իրվինը՝ տիեզերագնաց, ամերիկացի փորձարկու-օդաչու, ինժեներ։ Մասնակցել է «Ապոլլոն-15» տիեզերանավի լուսնային թռիչքին՝ դառնալով Լուսնի վրա ոտք դնող ութերորդ մարդը։

-180 թ. մարտի 17-ին մահացել է Մարկոս Ավրելիոսը՝ Հռոմի կայսր, փիլիսոփա, Հռոմի կայսր Անտոնինոսների հարստության ներկայացուցիչ, ուշ ստոիկյան դպրոցին պատկանող փիլիսոփա, Էպիկտետոսի հետեւորդ, «Խորհրդածություններ» երկի հեղինակ։ Հաջորդել է Անտոնինոս Պիոսին։ 162-166 թթ. հռոմեա-պարթեւական պատերազմում հաղթել է պարթեւներին, որոնց հետ 166 թ. կնքած պայմանագրով Հռոմեական կայսրությանն է անցել Միջագետքի արեւմտյան մասը, Հայաստանը ճանաչվել է անկախ, որտեղ, սակայն, թագավորելու էին Հռոմի դրածոները։ 166-180 թթ. պատերազմում պարտության է մատնել գերմանական ցեղերին եւ սարմատներին։ 172 թ. ճնշել է Եգիպտոսում բռնկված «բուկոլոսների» (հովիվների) ապստամբությունը։