-1837 թ. փետրվարի 10-ին մահացել է Ալեքսանդր Պուշկինը՝ ռուս բանաստեղծ եւ գրող, ռոմանտիզմի ներկայացուցիչ։ Ալեքսանդր Պուշկինը ռուս մեծագույն բանաստեղծի հռչակ է վայելում։ Նա համարվում է նաեւ ժամանակակից գրական ռուսերենի ստեղծողը (ծնվ.՝ 1799 թ.):
-1890 թ. փետրվարի 10-ին ծնվել է Բորիս Պաստեռնակը՝ ռուս պոետ, գրող, գրականության Նոբելյան մրցանակի դափնեկիր (1958), (մահ.՝ 1960 թ.):
-1923 թ. փետրվարի 10-ին մահացել է Վիլհելմ Ռենտգենը: Նա 1895 թ. հայտնագործեց կարճալիք էլեկտրամագնիսական ճառագայթումը՝ ռենտգենյան ճառագայթները։ Ռենտգենյան ճառագայթների հայտնագործումը հսկայական նշանակություն ունեցավ ֆիզիկայի ամբողջ հետագա զարգացման համար, մասնավորապես՝ հանգեցրեց ռադիոակտիվության հայտնագործմանը։ Ֆիզիկայի գծով առաջին Նոբելյան մրցանակը շնորհվել է Ռենտգենին (1901), (ծնվ.՝ 1850 թ.):
-1935 թ. փետրվարի 10-ին ծնվել է Զորի Բալայանը՝ հայ գրող, հասարակական եւ քաղաքական գործիչ, սպորտի մասնագետ, սպորտային բժիշկ, լրագրող եւ ճանապարհորդ։ ԽՍՀՄ սպորտի վարպետ (1967): Բալայանի գրական ծածկանունը՝ Հայկ Ղարաբաղցի։
-1950 թ. փետրվարի 10-ին մահացել է Արմեն Տիգրանյանը՝ հայ երգահան (ծնվ.՝ 1879 թ.):
-1953 թ. փետրվարի 10-ին մահացել է Սոսե մայրիկը՝ ֆիդայի Աղբյուր Սերոբի կինը (ծնվ.՝ 1868 թ.):
-1961 թ. փետրվարի 10-ին ծնվել է Արթուր Էլբակյանը՝ հայ թատերական գործիչ:
-2011 թ. փետրվարի 10-ին Հայկական գամփռ շնատեսակին շնորհվեց Հայաստանի ազգային ցեղատեսակի կարգավիճակ:
