Հետաքրքրական է

«01-99»՝ 1959 թ. «Հայֆիլմում» նկարահանված կարճամետրաժ կատակերգական ֆիլմ՝ Մհեր Մկրտչյանի գլխավոր դերակատարմամբ։

Ֆիլմում իրադարձությունները ծավալվում են գլխավոր հերոս Գարսեւանի շուրջը, ով պետք է բրիգադավար Սիսակի հանձնած գինու տակառիկը փոխանցի ոմն Պողոսի, ում դեմքով չի ճանաչում, սակայն գիտի նրա հեռախոսահամարը՝ 01-99։ Ճանապարհին, սակայն, չդիմանալով գինու գայթակղությանը, Գարսեւանը տակառիկից գինի է խմում, ինչի հետեւանքով հարբելով՝ ուշաթափված ընկնում է ճանապարհի եզրին։

Պատահական անցորդներից մեկը նրան վերցնում է ճանապարհից իր ավտոմեքենայով, իսկ Գարսեւանը կիսասթափ վիճակում ասում է 01-99 բառերը։ Մեքենայի վարորդը մտածում է, որ նրան վրաերթի են ենթարկել, եւ դա էլ մեքենայի պետհամարանիշն է: Նրան տանում է հիվանդանոց, որտեղից նրանց ուղեկցում են պետավտոտեսչություն։

Դերերում.

-Մհեր Մկրտչյան՝ Գարսեւան

-Մուրադ Կոստանյան՝ Պետրոս

-Արման Կոթիկյան՝ Պողոս

-Անատոլի Թորգոմյան՝ Ալիկ

-Լիլիա Հովհաննիսյան՝ Արփիկ

-Գեւորգ Չեպչյան՝ Աշոտ

-Ջեմա Սարիբեկյան՝ Ամալյա

-Ավետիք Ջրաղացպանյան՝ լեյտենանտ

-Թաթուլ Դիլաքյան՝ ավագ

-Հարություն Հայրապետյան՝ Սեթո

-Արամ Ամիրբեկյան՝ գնորդ

-Մայիս Կարագյոզյան՝ ֆուտբոլիստ

-Զարեհ Տեր-Կարապետյան՝ դրվագ