Պատմության հետագծով

-1869 թ. մարտի 8-ին մահացել է Հեկտոր Բեռլիոզը՝ ֆրանսիացի երգահան, դիրիժոր, երաժշտագետ, երաժշտական քննադատ:

-1876 թ. մարտի 8-ին ծնվել է Հրաչյա Աճառյանը՝ ականավոր հայ լեզվաբան եւ բառարանագիր, ՀԽՍՀ ԳԱ ակադեմիկոս (1943)։ Հայտնի է իր գիտական աշխատություններով հայոց լեզվի բարբառաբանության, լեքսիկոլոգիայի, լեքսիկոգրաֆիայի, պատմության վերաբերյալ եւ այլն (վախճ.՝ 1953 թ.)։

-1887 թ. մարտի 8-ին ծնվել է Հովսեփ Օրբելին՝ հայ արեւելագետ, հնագետ, հասարակական գործիչ։ ԽՍՀՄ ԳԱ ակադեմիկոս (1935), ՀԽՍՀ ԳԱ ակադեմիկոս եւ առաջին նախագահը (1943-1947)։ Լոնդոնի հնագիտական ընկերության պատվավոր անդամ (1944), Իրանի ԳԱ թղթակից անդամ (1945), (մահ.՝ 1961 թ.):

-1898 թ. մարտի 8-ին մահացել է Իվան Շիշկինը՝ ռուս նկարիչ։

-1910 թ. մարտի 8-ին Սոցիալիստական ինտերնացիոնալը (Կոպենհագեն) մարտի 8-ը հայտարարեց Կանանց միջազգային օր։

-1911 թ. մարտի 8-ին ծնվել է Ալան Հովհաննեսը՝ ամերիկահայ կոմպոզիտոր, ջութակահար, մանկավարժ (վախճ.՝ 2000 թ.):

-1956 թ. մարտի 8-ին մահացել է Դրաստամատ Կանայանը՝ ֆիդայի, Հայաստանի առաջին հանրապետության զորավար (գեներալ) եւ ռազմական նախարար (1920 թ.), (ծնվ.՝ 1884 թ.)։

-1966 թ. մարտի 8-ին ծնվել է Դուշմանը (Վարդան Ստեփանյան)՝ Արցախյան պատերազմի հերոս (վախճ.՝ 1992 թ.):

-2013 թ. մարտի 8-ին մահացել է Հակոբ Հակոբյանը՝ հայ գեղանկարիչ (ծնվ.՝ 1923 թ.):