Հետաքրքրական է

«Կարինե»՝ 1967 թ. «Հայֆիլմ» կինոստուդիայի նկարահանած ֆիլմ։ Տիգրան Չուխաճյանի «Լեբլեբիջի Հոր-հոր աղա» կոմիկական օպերայի էկրանավորումը։ Պճնամոլ երիտասարդը, դիմելով խարդավանքների ու խորամանկությունների, կարողանում է իրականացնել ընկերոջ պսակադրությունը սիրած աղջկա հետ՝ հակառակ վերջինիս հոր կամքի։ Գործողությունները կատարվում են 19-րդ դարում:

Սցենարի հեղինակներ՝ Լեւոն Ղարագյոզյան, Արման Մանարյան (Երվանդ Մանարյանի մասնակցությամբ), բեմադրող օպերատոր՝ Մարատ Վարժապետյան, գլխավոր նկարիչ՝ Վալենտին Պոդպոմոգով, գործիքավորում եւ երաժշտական խմբագրումներ՝ Ղազարոս Սարյան, Տիգրան Մանսուրյան, երգերի տեքստերի հեղինակ՝ Համո Սահյան, հնչյունային օպերատոր՝ Էդուարդ Վանունց:

Դերերում.

-Կարինե՝ Լիդիա Հարությունյան

-Հոր-Հոր՝ Աշոտ Քաջվորյան

-փաստաբան Սիսակյան՝ Արման Կոթիկյան

-փաստաբանի կինը՝ Վարդուհի Վարդերեսյան

-Արմեն՝ Ժիրայր Ավետիսյան

-Մարգար՝ Տիգրան Լեւոնյան

-Սիմոն՝ Ժան Սրապյան

-Շուշան՝ Վարվառա Կարապետյան

-լուսանկարիչ՝ Երվանդ Մանարյան

-հացթուխ-վանական՝ Գեն (Գ. Շահնազարյան)

Դերերգերը կատարում են.

-Կարինե՝ Գոհար Գասպարյան

-Հոր-Հոր՝ Դավիթ Պողոսյան

-Արմեն եւ Մարգար՝ Տիգրան Լեւոնյան