Ոչ մի արդյունք
Կարդալ ամբողջը
ԱՐԽԻՎ
Հայաստանի Հանրապետություն
Հինգշաբթի, Օգոստոսի 11, 2022
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք
Հայաստանի Հանրապետություն
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք
Ոչ մի արդյունք
Կարդալ ամբողջը
Հայաստանի Հանրապետություն
Ոչ մի արդյունք
Կարդալ ամբողջը
Գլխավոր Մշակույթ

«Արցախում են իմ բարեկամները, մորս աճյունը…»

Ապրիլի 15, 2022
Մշակույթ
«Արցախում են իմ բարեկամները, մորս աճյունը…»
2
ԿԻՍՎԵԼ ԵՆ
198
ԴԻՏՈՒՄ
Share on FacebookShare on Twitter

«Արցախյան շարժման առաջին իսկ օրերից իմ մեջ տագնապ կա, որն առ այսօր հանգիստ չի տալիս: Տագնապ եմ զգում, երբ Արցախում եմ, տագնապ եմ զգում, երբ Արցախում չեմ: Քաջ գիտակցում եմ խնդրի լրջությունը: Այսօր մեծ տերություններին ոչ մի հարց, սեփական շահից բացի, չի հուզում: Ադրբեջանի նավթը գայթակղիչ է, իսկ ի՞նչ ունեն Հայաստանն ու Արցախը… Միշտ ասել եմ, որ հպարտ եմ իմ արմատներով: Արցախցին հեշտ չի կոտրվում ու անզիջում է: Ես ամեն վայրկյան զգում եմ, որ մեկն եմ արցախցիներից, նրանց նման համառ ու հաստակող…»:

Ռոման ԲԱԼԱՅԱՆ

Նրա համար Արցախն հայրենիք է, այնտեղ են իր բարեկամները, մոր շիրիմը, մանկության թանկ հիշատակները: Այնտեղ՝ Մարտակերտի շրջանի Ներքին Հոռաթաղ գյուղում, որտեղ ծնվել է, վաղ հասակում կորցրել հորը, ով անհետ կորել է երկրորդ աշխարհամարտի տարիներին: Ութ տարեկանում դերասան դառնալու երազանքը երիտասարդ Ռոմանին տանելու էր Ստեփանակերտի թատրոն, այնուհետեւ ուսանելու էր Երեւանի թատրոնի եւ կինոյի պետական ինստիտուտում, ավարտելու նաեւ Կիեւի նույնանուն բուհի կինոռեժիսուրայի բաժինը: Այդ տարիներից էլ ապրելու-աշխատելու էր Ուկրաինայի մայրաքաղաքում, նաեւ՝ Մոսկվայում: Որպես ռեժիսոր իր առաջին ֆիլմը նկարահանելու էր 1973 թ., հետո դիմելու էր ռուս դասականներին՝ Չեխով, Տուրգենեւ, Լեսկով՝ ստեղծելով ֆիլմեր նրանց ստեղծագործությունների հիման վրա: Քննադատելով ցարական Ռուսաստանի բարքերը՝ Ռոման Բալայանը փոխաբերաբար անդրադառնում էր իր ժամանակի խնդիրներին: Հայազգի ռեժիսորին մեծ հռչակ է բերում 1982-ին ստեղծած «Թռիչքներ երազում եւ արթմնի» ֆիլմը: Մեկ տարվա ընթացքում այն ունենում է վեցուկես միլիոն դիտող: Ֆիլմը դառնում է խորհրդային կինեմատոգրաֆիայի ամենադրամարկղային էկրանավորումներից մեկը ու թեեւ չի գովերգում  գործող ռեժիմը, այդուհանդերձ, արժանանում է բարձրագույն՝ ԽՍՀՄ պետական մրցանակի: Իսկ դրանից առաջ նկարահանել էր «Կաշտանկա», «Մենավոր գայլը», «Առաջին սեր», իր իսկ սցենարով՝ «Բիրյուկ» ֆիլմերը: Հսկայածավալ երկրով մեկ ցուցադրվելու էին  բարձրաճաշակ արվեստագետի հերթական՝ «Համբույր», «Պահպանիր ինձ, իմ թալիսման», «Ֆիլյոր», «Դրախտի թռչունները», «Մցենսկի գավառի Լեդի Մակբեթը», նուրբ ու խորիմաստ էկրանավորումները: Ռուսները անվանի կինոռեժիսորին իրենցն էին համարելու, ուկրաինացիները՝ իրենցը, մենք՝ մերը:

Ասենք, որ Ռոման Բալայանը տասնամյակներ առաջ ցանկություն է ունեցել հայրենիքում ֆիլմ նկարել իր կնքահոր՝ Հրանտ Մաթեւոսյանի «Գոմեշը» ստեղծագործության հիման վրա: Վերին ատյաններում, չգիտես ինչու՝ առարկել են: Մինչդեռ հաջողելու դեպքում տաղանդավոր կինոռեժիսորը գուցեեւ մնար Հայաստանում եւ շարունակեր հայկական կինեմատոգրաֆը հարստացնել իր ստեղծելիք բարձրարվեստ ֆիլմերով: Ինչեւէ: Չզարմանանք, որովհետեւ մենք սովոր ենք հեշտությամբ «ուղեղներ արտահանելու», դրանցով հարստացնելու օտարներին, իսկ հայրենիք այցելելու ժամանակ՝ ծափահարել հոտնկայս…

1997 թ. Ուկրաինայի ժողովրդական արտիստի կոչմանն արժանացած արվեստագետը, որ ուկրաինական ժամանակակից կինոարվեստի ամենանշանավոր դեմքերից մեկն է, ամուր թելերով է կապված իր բնաշխարհին, պատեհ-անպատեհ առիթներով հաճախակի է այցելում հարազատ ոստան. «Այնտեղ իմ հարազատներն են, իմ մոր աճյունը…»: Նա իրեն անվանիների թվին չի դասում. «Ես ինձ հայտնի չեմ համարում: Ես պարզապես լավ հայ եմ: …Մինչեւ Փարաջանովի հետ ծանոթանալս կարծում էի՝ հանճար եմ: Հետո հասկացա տաղանդի եւ հանճարի տարբերությունը…»:

Ինքն իրեն կատակով «լոպազ ու հաստակող» ղարաբաղցի բնութագրող Ռոման Բալայանի վաստակը գնահատվել է ըստ պատշաճի. 2008 թ. Ուկրաինայի նախագահը նրան շնորհել է «Սկյութական եղջերու»՝ համաշխարհային կինոարվեստի բնագավառում նշանակալի ավանդի համար, նույն թվականին պարգեւատրվել է «Վաստակի համար» երկրորդ կարգի շքանշանով: Պարգեւների թիվը մեծ է, մնացյալները չթվարկենք: Պարզապես առողջություն մաղթենք պատերազմական երկրում ապրող-ստեղծագործող անվանի մեր հայրենակցին, ով երազում է ամուր ու անխաթար տեսնել հայրենի Արցախը եւ որ «հայ մարդկանց աչքերի մեջ տխրություն չլինի…»:

Թեգեր: ԱրցախռեժիսորՌոման ԲԱԼԱՅԱՆՖիլմ
Կիսվել1Tweet1Կիսվել
Հակոբ Սրապյան

Հակոբ Սրապյան

Բանաստեղծ, լրագրող, մանկավարժ: Աշխատել է «Խորհրդային Հայաստան» պաշտոնաթերթի մշակույթի բաժնում, այնուհետև վարել նույն թերթի՝ վերանվանված «Հայաստանի» մշակույթի բաժինը շուրջ երկու տասնամյակ: Երկար տարիներ խմբագրել է հայրենակցական «Ձայն վիրահայոց» և համալսարանական §Նոր Գլաձոր¦ թերթերը: Հեղինակ է 8 բանաստեղծական և մեկ արձակ գրքերի: Պարգևատրվել է ՀՀ մշակույթի նախարարության Ոսկե և Հայաստանի գրողների միության «Գրական վաստակի համար» մեդալներով: ՀԳՄ և Հայաստանի Ժուռնալիստների միության անդամ է: Վերջին երեք տարիներին հայոց լեզվի և գրականության ուսուցիչ է աշխատել Հնդկաստանի Կալկաթա քաղաքի 200-ամյա Հայոց մարդասիրական ճեմարանում:

Նույնատիպ Հոդվածներ

Չարենցի տուն-թանգարնը հարստացավ եւս մեկ ինքնատիպ դիմանկարով

Չարենցի տուն-թանգարնը հարստացավ եւս մեկ ինքնատիպ դիմանկարով

Օգոստոսի 8, 2022
«Ադրբեջանի թուրքերը սարսափում էին լուսանկարչական սարքից…»

«Ադրբեջանի թուրքերը սարսափում էին լուսանկարչական սարքից…»

Հուլիսի 30, 2022

Ծովի գույներով զմայլված կնոջ հմայքը

Նվիրաբերվել է Մոնթե Մելքոնյանի խճանկար-դիմանկարը

Բարի անուն, լուսավոր հետագիծ

«…Բայց մեզ հաջողվել է վերապրել. չէ՞ որ մենք հայ ենք…»

Կապույտի մեջ ընկած լուսնի շողը…

«Որպեսզի չխզվի կապը սերունդների միջեւ»

Հաջորդ Հոդվածը
Ինչի՞ համար կարող եք զղջալ օր ծերության

«Եւ վերջապէս ամենդ համամիտ, կարեկից, եղբայրասէր, բարեսիրտ, քաղցրաբարոյ եղեք»

Պատմության հետագծով

Պատմության հետագծով

Ամենաընթերցվածը

  • Տեսակետների խաչմերուկ

    Տեսակետների խաչմերուկ

    14 Կիսվել են
    Կիսվել 6 Tweet 4
  • Ինչ իրավունքներ ունեն հղիներն ու մինչեւ 3 տարեկան երեխա խնամող աշխատողները

    13 Կիսվել են
    Կիսվել 5 Tweet 3
  • Հողը հորդորելով չեն մշակում

    4 Կիսվել են
    Կիսվել 2 Tweet 1
  • Բարի անուն, լուսավոր հետագիծ

    7 Կիսվել են
    Կիսվել 3 Tweet 2
  • Բացառիկ հայը՝ Գուրգեն Յանիկյան

    6 Կիսվել են
    Կիսվել 2 Tweet 2

Սոցցանցեր

Ցանկ

  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք

Օգտակար Հղումներ

  • Armenpress
  • Armenpress | History
  • Республика Армения
  • Պատմություն
  • Հեղինակներ

Մեր Մասին

Հայաստանի Հանրապետություն՚ օրաթերթը ստեղծվել է 1990 թ.

Ներկայում օրաթերթը հրատարակվում է «Արմենպրես» լրատվական գործակալության կողմից:

 

Հասցե՝ Հայաստանի Հանրապետություն, ք. Երեւան, Արշակունյաց պող. 4, 13-14-րդ հարկեր Հեռ.՝ + (374 10) 52-57-56, Էլ-փոստ՝ [email protected]: Գովազդի համար`+(374 10) 52-69-74, +(374 96) 45-19-38, Էլ-փոստ՝ [email protected]

Ոչ մի արդյունք
Կարդալ ամբողջը
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք

Հասցե՝ Հայաստանի Հանրապետություն, ք. Երեւան, Արշակունյաց պող. 4, 13-14-րդ հարկեր Հեռ.՝ + (374 10) 52-57-56, Էլ-փոստ՝ [email protected]: Գովազդի համար`+(374 10) 52-69-74, +(374 96) 45-19-38, Էլ-փոստ՝ [email protected]

Welcome Back!

Login to your account below

Forgotten Password?

Create New Account!

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In

Add New Playlist