«Մի պատմություն»` ցեղասպանությունը վերհիշելով

Նախօրեին Հայաստանի նկարիչների միության «Մարտիրոս Սարյան» ցուցասրահում բացվեց գեղանկարիչ Սամվել Ասլանյանի «Մի պատմություն» խորագիրը կրող անհատական ցուցահանդեսը։ Այն նվիրված է հայոց պատմության ցավոտ էջերից մեկին` ցեղասպանությանը։ Նկարիչների միության նախագահ Սուրեն Սաֆարյանը բացման արարողության ժամանակ նշեց, որ Սամվել Ասլանյանն այն գեղանկարիչներից է, ով անդրադառնում է հայ ժողովրդի պատմական էջերին, եւ այս շարքը, որը ներկայացվում է, դրա վառ ապացույցն է։

Սամվել Ասլանյանը, ապրելով եւ ստեղծագործելով Բելգիայում, ունեցել է մի քանի ցուցադրություններ` օտարազգի բարեկամներին ներկայացնելով հայոց պատմությունը։ Ներկա գտնվողներից շատերը փաստեցին, որ նկարներին նայելիս զգում ես ցավ ու թախիծ, իսկ արվեստագետները նշեցին, որ ցավոտ էջերին անդրադառնալը եւս կարեւոր է, քանի որ մոռացնել չի տալիս հանրությանը 1915 թ. կատարվածի մասին։ Իր հերթին՝ նկարիչը, խոսելով աշխատանքների մասին, նշեց, որ հաջորդ ցուցահանդեսները լինելու են սիրո թեմաներով։

Հեղինե ՄԽԻԹԱՐՅԱՆ

Խ. Աբովյանի անվան ՀՊՄՀ կուլտուրայի ֆակուլտետ, լրագրության բաժին, 2-րդ կուրս