Ինչի՞ համար կարող եք զղջալ օր ծերության

-Որ երկար ժամանակ եք անցկացրել հեռուստացույցի առաջ՝ նայելով ֆիլմեր, թոք շոուներ, սերիալներ, նորություններ,

-Սոցցանցերում անցկացրած ժամանակի համար, համակարգչային խաղերով տարվելու, տարբեր-տարբեր հոլովակներ ու գռեհիկ տեսանյութեր նայելու համար,

-Որ ձեր սովորույթները թելադրել են ձեր ինքնությանը,

-Որ քիչ եք հիացել աշխարհի բնությամբ, մշտապես լինելով աղմուկի ու վազքի մեջ,

-Որ չեք հավատացել Հիսուս Քրիստոսին, չեք ձգտել ճանաչել Նրա ուսմունքը,

-Որ եղել եք չափազանց նեղացկոտ, չար, հիշաչար եւ կասկածամիտ,

-Դուք կարող եք զղջալ, որ քիչ եք շփվել ձեր ընտանիքի հետ, ձեր երեխաների, հարազատների հետ, շատ եք վիճել, չարացել նրանց վրա, քիչ եք ասել սիրո խոսքեր,

-Որ քիչ եք ուրախացել, զվարճացել եւ ծիծաղել,

-Որ չափազանց ցավոտ եք ընկալել ուրիշների խոսքերն ու արարքները,

-Որ ամբողջ կյանքում «վազել» եք նորաձեւ մակնիշի մեքենաների, հեռախոսների, հագուստի հետեւից, հուսալով փոխհատուցել սեփական թերությունները,

-Որ ամուսնացել եք ոչ թե սիրով, այլ հաշվարկով,

-Որ գնացել եք ամբոխի հետեւից, չմտածելով, թե ուր կտանի այն ձեզ,

-Որ ճշմարտությունը, ազատությունը եւ ճշմարիտ Աստծուն թողած, հավատացել եք կրոնական փոխարինիչների եւ խոնարհվել եք կուռքերի առաջ,

-Որ անտարբեր եք եղել, երբ հարկավոր էր  թիկունք կանգնել հանիրավի վիրավորված երեխային, կնոջը, տարեցին, անցել եք այդ ամենի կողքով, համարելով, որ դա ձեր գործը չէ,

-Որ հետեւել եք հասարակության կանոններին ու սկզբունքներին, բայց չեք հետեւել Աստծո սկզբունքներին,

-Որ ձեր մեջ խեղդել եք Աստծո շնորհած տաղանդները, նյութական բարեկեցությանը ստորադասելով,

-Բայց դուք ոչնչի մասին չեք զղջա, եթե հետեւեք Աստծո՝ ձեզ համար նախանշած ուղուն:

Անահիտ ԲԱՆՈՒՉՅԱՆ