«Այլ եւս քո անունը Յակոբ չասուի, այլ Իսրայէլ, որովհետեւ Աստուծոյ հետ եւ մարդկանց հետ մարտնչեցիր եւ յաղթեցիր»
«Երանի նորան, որի օգնականը Յակոբի Աստուածն է, որ նորա յոյսն իր Եհովայ Աստուծուն վերայ է»։ Սաղմոս 146։5
Հակոբի աստվածն օրհնության Աստված է։
Ծննդոց գրքում նկարագրվում է, թե ինչպես է Հակոբն Աստծո հետ պայքարում եւ բաց չի թողնում, մինչեւ իրեն չօրհնի.
«Եւ այն գիշերը վեր կացավ, եւ իր երկու կանայքը, եւ իր երկու աղախինները, եւ իր տասնեւմէկ որդիներն առաւ, եւ Յաբօկի անցքիցն անցաւ։ Եւ նորանց առաւ ու վտակիցն անցրեց, եւ իր բոլոր ունեցածն անցրեց։
Եւ Յակոբը մինակ մնաց, եւ մի մարդ գօտէմարտում էր նորա հետ մինչեւ արշալոյսի ծագելը։ Եւ տեսաւ, որ չկարողացաւ նորան յաղթել, նորա զստի ամոլաջլին դիպաւ. եւ Յակոբի զստի ամոլաջիլը թուլացաւ նորա գօտէմարտած ժամանակը։ Եւ նա ասեց. Թող տուր ինձ, որովհետեւ արշալոյսը ծագեց. եւ Յակոբն ասեց. Չեմ թողիլ քեզ՝ մինչեւ որ ինձ չօրհնես։ Եւ նա ասեց նորան. Ի՞նչ է անունդ. նա էլ ասեց. Յակոբ է։ Եւ նա ասեց. Այլ եւս քո անունը Յակոբ չասուի, այլ Իսրայէլ, որովհետեւ Աստուծոյ հետ եւ մարդկանց հետ մարտնչեցիր եւ յաղթեցիր։ Եւ Յակոբը հարցրեց եւ ասեց. Աղաչեմ՝ անունդ ասիր։ Եւ նա ասեց. Ինչո՞ւ ես իմ անունը հարցնում. եւ նա օրհնեց նորան այնտեղ։ Եւ Յակոբն այն տեղի անունը Փանուէլ դրաւ, որովհետեւ ասեց. Դէմ առ դէմ տեսայ Աստուծոյն, եւ իմ անձը ողջ մնաց։
Եւ արեգակը դուրս եկաւ նորա վերայ, երբոր Փանուէլիցն անցաւ. եւ իր զստի վերայ կաղում էր։ Նորա համար Իսրայէլի որդիքը զստի վերայ թուլացած ջիղը չեն ուտում մինչեւ այսօր, որովհետեւ Յակոբի զստի թուլացած ջիղին դիպաւ»։ Ծննդոց 32։22-32
Այսօր մենք կարիք չունենք Աստծո հետ պայքարելու, որպեսզի ստանանք Նրա օրհնությունը։
Այսօր օրհնությունը գտնվում է Նրա Խոսքում, Նրա խոստմունքում։
Դուք դառնում եք երջանիկ, երբ ընդունում եք Աստծուն որպես ձեր օրհնության եւ օգնության աղբյուր։
Այդ ժամանակ վշտից կամ վախից անհանգստությունների ժամին նախ եւ առաջ փնտրում եք Աստծուն՝ ձեր աղոթքներում։
Եւ դուք ունեք ամուր վստահություն, որ Նա կպատասխանի ձեր հավատքին։
Անահիտ ԲԱՆՈՒՉՅԱՆ
