Մեզնից շատերի համար ճշմարիտ կյանք նշանակում է հավերժական կյանք երկրի վրա նոր աշխարհում, որն Աստված խոստանում է նրանց, ովքեր հավատարմորեն պահպանում են իր պատվիրանները։ Գլխավոր պատվիրաններից մեկն ասում է. «Պատվիր քո հորը եւ մորը»։ Այնպես որ, լսելով ծնողներին, դուք կլինեք երջանիկ։ Ովքեր հնազանդ են, նրանք ունեն ապագա, նրանց սպասվում է հավերժական կյանք երկրի վրայի դրախտում.
«Որդիք, հնազանդ եղէք ձեր ծնողներին Տէրով. որ այն է արժանը։ Պատուիր քո հօրը եւ մօրը, սա է առաջին պատուիրանքը խոստմունքով, Որ քեզ լավ լինի, եւ երկար ապրես երկրի վերայ»։ Եփեսացիս 6։1-3
Երբ պատվում ես ծնողներիդ քո հնազանդությամբ, պատվում ես նաեւ Տեր Աստծուն, որովհետեւ Նա է հատկապես հրահանգել, որ հնազանդ լինես ծնողներիդ։ Եվ դա քեզ միայն օգուտ կբերի.
«Այսպէս է ասում Տէրը, քո Փրկիչը Իսրայէլի Սուրբը. Ես եմ քո Աստուածը, որ քեզ սովորեցնում եմ օգտակար եղողը, որ քեզ առաջնորդում եմ քո գնալու ճանապարհումը»։ Եսայի 48։17
Ինչո՞վ է օգտակար հնազանդությունը. այն ուրախացնում է քո հորն ու մորը, իսկ իրենք, իրենց հերթին, ջանում են անել այնպես, որ քո կյանքը լցվի երջանկությամբ.
«Լսիր քո ծնող հօրը, եւ մի անարգիր քո մօրը, երբոր պառաւ է։ Ճշմարտութիւնը շահիր՝ եւ մի ծախիր. նաեւ իմաստութիւն, խրատ եւ հանճար։ Արդարի հայրը անշուշտ պիտի ցնծայ, իմաստունի ծնողը նորանով պիտի ուրախանայ։ Թող ուրախանայ հայրդ ու մայրդ, եւ ցնծայ քո ծնողը։ Սիրտդ ինձ տուր, որդեակս, եւ թող աչքերիդ հաճելի լինին իմ ճանապարհները»։ Առակաց 23։22-26
Իսկ ամենագլխավորն այն է, որ հնազանդությամբ դու ուրախացնում ես քո երկնավոր Հորը, իսկ Նա քեզ կփոխհատուցի առատորեն։ Ինչպես Հիսուսն է Իր մասին ասում.
«Եւ ինձ ուղարկողն ինձ հետ է. ինձ մինակ չէ թողել Հայրը, որովհետեւ ես միշտ նորան հաճելի բաներն եմ անում»։ Հովհաննես 8։29
Անահիտ ԲԱՆՈՒՉՅԱՆ
