Ի՞նչ եք կարծում, ի՞նչ զգացին Մարիամն ու Հովսեփը, երբ երեք օր անց վերջապես Հիսուսին գտան տաճարում։ Անտարակույս, նրանք մխիթարվեցին։ Սակայն Հիսուսին զարմացրեց, որ ծնողները չգիտեին, թե որտեղ էր ինքը։ Նրանք երկուսն էլ գիտեին, որ Հիսուսն աշխարհ է եկել հրաշքի շնորհիվ։ Եվ, թեպետ նրանք չգիտեին բոլոր մանրամասները, սակայն որոշակի տեղեկությունների տիրապետում էին Նրա՝ ապագա Փրկչի եւ Աստծո Թագավորության կառավարիչի առաքելության մասին.
«Եւ նա որդի կծնի, եւ նորա անունը Յիսուս դնես. որովհետեւ նա իր ժողովրդին կփրկէ իրանց մեղքերիցը»։ Մատթեոս 1։21
«Նա մեծ կլինի, եւ Բարձրեալի Որդի կկոչուի. եւ Տէր Աստուածը նորա Դաւիթ հօր աթոռը կտայ նորան. եւ նա յաւիտեան կթագաւորէ Յակոբի տան վերայ. Եւ նորա թագաւորութեանը վերջ չի լինիլ։ Եւ Մարիամն ասեց հրեշտակին. Սա ինչպէ՞ս կլինի. ըստ որում ես այր չգիտեմ։ Հրեշտակը պատասխանեց եւ ասեց նորան. Սուրբ Հոգին կգայ քեզ վերայ կհովանաւորէ, վասն որոյ եւ այն ծնուած սուրբն էլ Աստուծոյ Որդի կկոչուի»։ Ղուկաս 1։32-35
«Եւ հրեշտակն ասեց նորանց. Մի վախենաք, որովհետեւ ահա մեծ ուրախութիւն եմ աւետում ձեզ, որ բոլոր ժողովրդին պիտի լինի. Թէ այսօր ձեզ փրկիչ ծնուեցաւԴաւիթի քաղաքումը. որ է Քրիստոս Տէրը»։ Ղուկաս 2։10-11
Դրա համար է Հիսուսն իրեն փնտրած ծնողներին հարցնում, թե ինչո՞ւ էին իրեն փնտրում, արդյոք չգիտեի՞ն, որ իր Հոր տանը պետք է լինի։ Այնուամենայնիվ, Հիսուսը հնազանդորեն ծնողների հետ վերադարձավ տուն՝ Նազարեթ։
«Եւ երբոր նորան տեսան, շատ սքանչացան. եւ նորա մայրն ասեց նորան. Որդեակ, ինչո՞ւ համար մեզ այսպէս արիր. ահա, հայրդ եւ ես ցաւելով որոնում էինք քեզ։ Եւ նա նորանց ասեց. Ինչո՞ւ համար էիք ինձ որոնում. դուք չգիտէի՞ք, թէ պետք է, որ ես իմ Հօր տանը լինեմ։ Եւ նորանք չհասկացան այն խօսքը, որ նորանց հետ խօսեց։ Եւ նա նորանց հետ իջաւ եւ գնաց Նազարէթ. եւ նորանց հնազանդ էր. եւ նորա մայրը այս բոլոր բաները պահում էր իր սրտումը։ Եւ Յիսուսը զարգանում էր իմաստութիւնով եւ հասակով, եւ շնորհքով՝ Աստուծոյ եւ մարդկանց մօտ»։ Ղուկաս 2։48-52
Անահիտ ԲԱՆՈՒՉՅԱՆ
