Նորա համար մի լինիք անմիտ, այլ իմացէք, թէ ինչ է Տիրոջ կամքը

Շատ շատերը չափից դուրս են մտահոգվում ու մտածում նյութականի մասին։ Նրանց համար այն դառնում է կյանքի նպատակ։ Սակայն Սուրբ Գիրքը կոչ է անում նախ եւ առաջ փնտրել Աստծո Արքայությունն ու նրա ճշմարտությունը, իսկ անհրաժեշտ նյութական բարիքները կհավելվեն դրան։

«Սակայն առաջ Աստուծոյ արքայութիւնը եւ նորա արդարութիւնը խնդրեցէք. եւ այդ ամենը կտրուի ձեզ»։ Մատթեոս 6։33

Եկեք եւս մեկ անգամ հարցնենք ինքներս մեզ. ո՞վ է իմաստունն ու երանելին.

«Երանի այն մարդին, որ իմաստութիւն է գտել, եւ այն մարդին, որ հանճար է ստանում։ Որովհետեւ նորա շահը լաւ է արծաթի շահիցը, եւ նորա արդիւնքը՝ մաքուր ոսկիից»։ Առակաց 3։13-14

«Որովհետեւ իմաստութիւնը գոհարներիցը լաւ է, եւ բոլոր ցանկալի բաները չարժեն նորան»։ Առակաց 8։11

«Իմաստութիւն շահելը որչափ լաւ է ոսկիից, եւ հանճար շահելը արծաթից ընտիր է»։ Առակաց 16։16

Նյութական արժեքների հետեւից վազքի ընթացքում մարդը հաճախ մոռանում է իր կյանքի կարճատեւության մասին։ Եփեսացիս գրքում գրված է.

«Արդ նայեցէք, թէ ինչպէս զգուշութեամբ վարուիք. ոչ թէ ինչպէս անխելքներ, Այլ ինչպէս իմաստուններ. գնեցէք ժամանակը. որ օրերը չար են, Նորա համար մի լինիք անմիտ, այլ իմացէք, թէ ինչ է Տիրոջ կամքը»։ Եփեսացիս 5։15-17

Անահիտ ԲԱՆՈՒՉՅԱՆ