Շնորհակալ եմ, Հայր, Հիսուսի պարգեւի համար եւ խոնարհության Նրա կատարյալ օրինակի համար։ Հիսուսը Իր սերը մեր նկատմամբ ցույց տվեց Քո հանդեպ մեծագույն խոնարհությամբ եւ հնազանդությամբ։ Նա Իրեն զրկեց երկնային հարմարավետություններից, որպեսզի փրկություն տա մեզ։ Նա գերադասեց անցնել այնպիսի փորձությունների միջով, ինչպիսիք են ծաղրը, գայթակղությունները, մերժումները եւ նույնիսկ մահը։ Նա մեր կարիքներն ավելի բարձր դասեց, քան Իր սեփականը։ Դու պահանջում ես իմ կողակցից, որպեսզի նա սիրի ինձ այնպես, ինչպես Հիսուսը սիրեց Եկեղեցին։ Ես խնդրում եմ Քեզ տալ Նրան այդ անելու ուժ ու կարողություն։
«Մարդիկ, սիրեցէք ձեր կանանցը, ինչպէս Քրիստոսն էլ սիրեց Եկեղեցուն եւ իր անձը մատնեց նորա համար»: Եփեսացիս 5։25
Դու գիտես, թե ինչպես են ամուսինները ճնշման տակ ցանկանում թվալ հաջողակ ու ուժեղ։ Գիտես, թե ինչպես է նրանց վրա ազդում ինքնավստահությունը։ Հասկանում ես նրանց վախերն ու անվստահությունները։ Նրանք պարզապես մարդ են եւ ռիսկի են դիմում՝ մերժելու իրենց կյանքում Քո կարիքը, Տեր։
«Կործանումից առաջ հպարտանում է մարդիս սիրտը. բայց փառքից առաջ գնում է խոնարհութիւնը»։ Առակաց 18։12
Ես Քո առաջ, կյանքի գետի առաջ եմ բերում իմ սիրելիին եւ խնդրում եմ Քեզ, Տեր, օծիր նրան Քրիստոսի խոնարհության գերբնական հատվածով։ Քրիստոսի հետ նա պատրաստ կլինի ընդունելու Քո օրհնությունը։
«Նորանք լիանում են քո տան պարարտութիւնիցը. եւ Քո հաճութեանց գետիցը խմել ես տալիս նորանց»։ Սաղմոս 36։8
«Բայց աւելի շնորհք է տալիս. նորա համար ասում է. Աստուած ամբարտաւաններին հակառակ է կենում, բայց խոնարհներին շնորհք է տալիս»։ Հակոբոս 4։6
«Եթէ պարծենալ պէտք լինի, իմ տկարութիւնովը կպարծենամ»։ Բ Կորնթացիս 11։30
«Վասնորոյ հաւանել եմ տկարութիւնների, թշնամանքների, վիշտերի, հալածանքների, եւ նեղութիւնների Քրիստոսի համար. որ երբոր տկարանում եմ, այն ժամանակ զօրանում եմ»։ Բ Կորնթացիս 12։10
Անահիտ ԲԱՆՈՒՉՅԱՆ
