Տեր, Դու խոստացել ես, որ խոնարհությունը պարգեւատրվում է հարստությամբ, պատվով ու կյանքով։ Դրանք պարգեւներ են, որ մենք ցանկանում ենք մեր հարազատների համար։ Օգնիր նրանց հաղթահարելու ցանկացած գոռոզություն եւ կեղծ խոնարհություն, որպեսզի նրանք կարողանան վայելել կյանքի առատությունը, որ պարգեւել է Հիսուսը.
«Խոնարհութեան եւ Տիրոջ երկիւղի վարձքն է հարստութիւն, եւ պատիւ ու կեանք»։ Առակաց 22։4
«Գողը չէ գալիս, բայց միայն որ գողանայ եւ սպանէ եւ կորցնէ. ես եկայ որ կեանք ունենան, եւ էլ աւելի ունենան»։ Հովհաննես 10։10
Ոչ ոք չի կարող համեմատվել Քեզ հետ, Տեր։ Դու ես արժանի ամենայն դրվատանքի եւ փառքի։
«Տիրոջ պէս սուրբ չկայ, որովհետեւ քեզանից ջոկը չկայ,
Եւ մեր Աստուծոյ պէս վէմ չկայ»։ Ա Թագավորաց 2։2
«Ես Տիրոջը դրի իմ առաջին ամեն ժամանակ. որովհետեւ նա իմ աջ կողմն է. ես չեմ սասանուիլ»։ Սաղմոս 16։8
Տեր, բացիր հարազատներիս աչքերը, որպեսզի կարողանան տեսնել, որ Դու արժանի ես բարձրագույն Փառաբանության։ Թող նրանք անձնապես զգան Քո մեծությունն ու զորությունը։ Թող նրանք ապրեն մեծագույն համոզվածությամբ, որ Հիսուսն ունի բացարձակ իշխանություն ամեն ինչի նկատմամբ երկրի վրա եւ հոգեւոր ոլորտում Մեծ է Տերը եւ արժանի է ամենայն գովաբանության. մեծությունը Նրա անհասանելի է.
«Մեծ է Տէրը եւ շատ օրհնեալ. եւ նորա մեծութեանը չափ չկայ»։ Սաղմոս 145։3
«Եւ ամեն բան հնազանդեցրեց նորա ոտների տակ, եւ նորան գլուխ դրաւ եկեղեցուն՝ բոլոր բաների վերայ»։ Եփեսացիս 1։22
Հիսուսի միջոցով պետք է մշտապես Աստծուն բերենք փառաբանության զոհաբերություն, որոնք բխում են այն շրթունքներից, որոնք խոստովանում են Նրա անունը.
«Ուստի նորա ձեռովն ամեն ժամանակ Աստուծուն օրհնութեան պատարագ մատուցանենք. այսինքն նորա անունը դաւանող շրթունքների պտուղ»։ Հակոբոս 13։15
Անահիտ ԲԱՆՈՒՉՅԱՆ
