Գ. «Քո Եհովայ Աստուծոյ անունը զուր տեղը չյիշես»
Երրորդ պատվիրանի համաձայն արգելվում է հիշատակել Տիրոջ անունը առանց դրա անհրաժեշտության։ Տիրոջ անունը կարելի է աղոթքներում եւ հոգեւոր զրույցներում, օգնության խնդրանքներում։ Աստծուն չի կարելի հիշել դատարկ զրույցներում, առավել եւս հայհոյախոսությունների ժամանակ։ Բոլորս գիտենք, որ Աստվածաշնչում խոսքը հսկայական զորություն ունի։ Խոսքով Աստված արարեց աշխարհը։
Դ. «Վեց օր աշխատես եւ բոլոր գործքդ անես, բայց եօթներորդ օրը՝ քո Եհովայ Աստուծոյ հանգստութեան օրն է»
Աստված աշխարհն արարեց վեց օր. այնպես էլ մարդը պետք է աշխատի վեց օր, իսկ յոթերորդ օրը նախատեսված է հանգստի համար։ Այդ օրը յուրաքանչյուր հավատացյալ պետք է նվիրի խորհրդածությունների եւ աղոթքների։
Հին Ուխտում հանգստի օրը շաբաթն էր, իսկ քրիստոնեությունից ի վեր՝ կիրակին։ Կիրակի օրը քրիստոնյաները չեն աշխատում, նրանք գնում են տաճար՝ աղոթելու։ Կիրակի օրերը կարելի է նվիրել նաեւ բարի գործերին՝ օգնությանը նրանց, ովքեր դրա կարիքն ունեն։
Ե. «Պատուիր քո հօրը եւ քո մօրը, ինչպէս որ քո Եհովայ Աստուածը քեզ պատուիրեց, որ քո օրերը երկար լինեն, եւ քեզ համար բարի լինի այն երկրի վերայ, որ քո Եհովայ Աստուածը քեզ տալիս է»։
Հինգերորդ պատվիրանն ասում է, թե յուրաքանչյուր զավակ պարտավոր է պատվել ծնողներին, յուրաքանչյուր տարիքում։ Այդ նրանք են Աստծո հետ միասին քեզ կյանք տվել եւ հոգ տարել քեզ համար։ Պատվել ծնողներին նշանակում է ցուցաբերել համբերություն եւ հնազանդություն, օգնել նրանց եւ հոգ տանել նրանց համար։ Նույնիսկ այն դեպքում, երբ ծնողներդ ոչ բավարար են հոգ տարել քեզ համար, քո պարտքն է ավելին անել, քան դու ենթադրում ես։ Եթե մարդը չի հարգում ու պատվում ծնողներին, ապա ժամանակի հետ դադարում է ընդունել Աստծուն։ Մեծերին պատվելը ընտանիքները դարձնում է ավելի ամուր, իսկ մարդկանց՝ երջանիկ։
Զ. Մի սպանիր
Աստված է տալիս մարդուն կյանք եւ միայն Նա է իրավասու վերցնելու այն։ Նա, ով մահափորձ է կատարում, փորձում է նաեւ Աստծո կամքն ու Նրա մտադրությունները։ Նույն պատվիրանն ասում է նաեւ, որ չի կարելի, որ ինքդ քեզ էլ զրկես կյանքից։ Գործելով ինքնասպանություն, մենք նմանապես խախտում ենք այս պատվիրանը, զի մեր կյանքը չի պատկանում մեզ, այլ միայն Արարչին։ Ինքնասպանությունը գրեթե ամենասարսափելի մեղքն է, որը մարդ չի կարող քավել։
Վեցերորդ պատվիրանն արգելում է աբորտները, քանզի հենց բեղմնավորման պահից մանուկը իր մեջ կրում է Աստծո կայծը։ Մարդիկ, ովքեր հակված են վատ սովորույթների, որոնք կրճատում են իրենց կյանքը, նույնպես մեղանչում են վեցերորդ պատվիրանի դեմ:
Անահիտ ԲԱՆՈՒՉՅԱՆ
