Պատվիրան չորրորդ. «Երանի նորանց, որ սոված եւ ծարաւ են արդարութեան, որ նորանք կկշտանան»
«Ոչ ով չի գալիս Հօր մօտ, եթէ ոչ ինձանով»
Լինել ծարավ եւ փնտրել արդարություն՝ կարելի է տարբեր եղանակներով։ Կան որոշակի մարդիկ, որոնց պայմանականորեն կարելի է անվանել արդարություն որոնողներ. նրանք մշտապես դժգոհում են գոյություն ունեցող կարգերից, ամենուր փնտրում են արդարացիություն, գրում են բողոքներ եւ շատերի հետ հակամարտության մեջ մտնում։ Սակայն այս մարդկանց մասին չէ գրված պատվիրաններում։
Բոլորովին այլ արդարության մասին է խոսքը։ Գրված է, որ պետք է փնտրել արդարություն՝ որպես սնունդ եւ ջուր. «Երանի նորանց, որ սոված եւ ծարաւ են արդարութեան»։
Ի՞նչ արդարության մասին է գրված պատվիրանում. Վերին՝ Աստվածային Արդարության մասին։ Իսկ վերին Արդարությունը, ճշմարիտը Քրիստոսն է.
«Ես եմ ճանապարհը եւ ճշմարտութիւնը եւ կեանքը։ Ոչ ով չի գալիս Հօր մօտ, եթէ ոչ ինձանով»։ Հովհաննես 14։6
Հետեւաբար, քրիստոնյան կյանքի ճշմարիտ իմաստը պետք է փնտրի Աստծո մեջ։ Միայն ու միայն Նրա մեջ են կյանքի ճշմարիտ աղբյուրը եւ Աստվածային Հացը, որը է Մարմինը Նրա։
Տերը մեզ թողել է խոսքն Աստծո, որտեղ շարադրված են Աստվածային գիտությունը, Աստծո ճշմարտությունը։ Նա ստեղծել է եկեղեցին եւ այնտեղ ներդրել այն ամենը, ինչ անհրաժեշտ է փրկության համար։ Եկեղեցին նույնպես ճշմարտության եւ Աստծո, աշխարհի եւ մարդու մասին ճշմարիտ գիտելիքը կրողն է։ Ահա այս ճշմարտությանն ու արդարությանը պետք է ծարավ լինի յուրաքանչյուր քրիստոնյա՝ կարդալով Սուրբ Գիրքը եւ հագենալով Եկեղեցու հայրերի արարումներով։
Նրանք, ովքեր նախանձախնդիր են աղոթքում, բարի գործերի կատարման մեջ, սեփական անձը Աստծո խոսքով հագեցնելու մեջ, իրապես «ծարաւ են արդարութեան» եւ, իհարկե, կհագենան մշտահոս Աղբյուրից՝ մեր Փրկչից այժմ եւ հավիտյանս։
Անահիտ ԲԱՆՈՒՉՅԱՆ
