Ինչպե՞ս կարելի է ապրել Աստծո նախանշած արդարությամբ

Սաղմոսների գրքում, որի մեծ մասը գրել է Դավիթ թագավորը, ամենամեծ սաղմոսը 119-րդն է, որն ամբողջությամբ նվիրված է Աստծո Խոսքին։

Ահա թե ինչ պատճառներ է բերում Դավիթ թագավորը Աստվածաշնչի ամենօրյա ուսումնասիրության ու ընթերցանության համար.

-Երանելի են ճանապարհով անմեղները, որ գնում են Տիրոջ օրենքումը։ (1)

-Որովհետեւ նորանք անօրէնութիւն չեն գործում, այլ գնում են նորա ճանապարհներովը։ (3)

-Երիտասարդն ինչո՞վ իստակ կանէ իր ճանապարհը. քո խօսքի պէս զգուշանալով։ (9)

-Իմ սրտումը թագցրի քո խօսքերը, որ չմեղանչեմ քեզ դէմ։ (11)

-Քո վկայութիւնների ճանապարհովը ուրախանում եմ, ինչպէս ամեն կերպ հարստութիւնով։ (14)

-Քո հրամաններովը կուրախանամ. եւ քո խօսքը չեմ մոռանալ։ (16)

-Ետ դարձրու իմ աչքերը, որ ունայն բան չտեսնեն, բայց ապրեցրու ինձ քո ճանապարհներումը։ (37)

-Ահա ցանկանում եմ քո պատուիրանքներին. քո արդարութիւնովը ապրեցրու ինձ։ (40)

-Տէր, թող քո ողորմութիւնը գայ ինձ վերայ, եւ քո փրկութիւնը քո խօսքին պէս։

Ապա ես կպատասխանեմ ինձ խօսքով նախատողներին, որովհետեւ քո խօսքն եմ յուսացած։

 Եւ քո ճշմարտութեան խօսքը ամենեւին մի հեռացնիր իմ բերանիցը, որովհետեւ քո իրաւունքին եմ յուսացած։

Ապա քո օրէնքը կպահեմ ամեն ժամանակ՝ յաւիտեանս յաւիտենից։ ( 41-44)

Անահիտ ԲԱՆՈՒՉՅԱՆ