Եթե դուք ցանկանում եք դառնալ ավելի երջանիկ, վերոնշյալ խորագրի ներքո մենք կնշենք Աստվածաշնչի ութ մեջբերում, որոնք բացում են Աստծո խոսքն այն մասին, թե ինչ է հարկավոր մարդուն՝ երջանիկ լինելու համար։
Քանի որ մենք ապրում ենք մեկ կյանք, ինչո՞ւ չանել ամեն հնարավորը, որպեսզի ապրենք լավ եւ երջանիկ։
Ուշադրություն դարձրեք, որ մեջբերվող սկզբունքներից ոչ մեկը կախված չէ արտաքին գործոններից, այլ՝ միայն ձեր ամենօրյա ներքին որոշումներից։
Ա. «Երանի այն մարդին, որ իմաստութիւն է գտել, եւ այն մարդին, որ հանճար է ստանում»։ Առակաց 3։13
Առակաց գրքի իններորդ գլխի տասներորդ խոսքի համաձայն.
«Իմաստութեան սկիզբը Տիրոջ երկիւղն է, եւ Ամենասուրբին ճանաչելը հանճար»։
Տիրոջ երկյուղը կարող ենք մեկնաբանել որպես հարգանք ու ակնածանք Աստծո հանդեպ՝ ուշադրություն դարձնելով այն ամենին, ինչ Նա ասում է, այնուհետեւ կատարել գրվածքը։
Տերը կամենում է, որ բոլորը օժանդակեն ձեզ հանուն բարօրության։ Եթե դա այդպես է, ապա ինչո՞ւ զրկել սեփական անձն այդ ամենից։ Հնազանդությունը լավ է նույնիսկ այն ժամանակ, երբ ժամանակավոր անհարմարություններ է պատճառում մարմնին։
Երջանիկ լինելու հաջորդ պայմանն Ամենասուրբին ճանաչելն է։
Երբ դուք Աստծո հետ եք լինում ձեր կյանքի յուրաքանչյուր օրը, ապա ձեր հարաբերությունները Նրա հետ դառնում են ավելի ու ավելի խոր ու մտերիմ։ Դուք աճում եք Նրա բնավորության գիտությամբ, ոչ միայն գործողությունների։
Աճը Աստծո ճանաչողության մեջ հավերժական կյանքի էությունն է, որը Հիսուսը մեզ նվիրաբերեց Իր կյանքի գնով։
Մեզ պետք է հիացմունք պարգեւի այն հանգամանքը, որ Աստված, Ով արարել է երկիրը, աստղերը, սարերը…, ցանկանում է, որ մենք Նրան ճանաչենք անձամբ։
Անահիտ ԲԱՆՈՒՉՅԱՆ
