«Իսկ այն օրուայ եւ ժամի համար ոչ ով չգիտէ, ոչ էլ երկնքի հրեշտակները, բայց միայն իմ Հայրը»: Մատթեոս 24։36
Տերը թաքցնում է երկրորդ գալստյան եւ աշխարհի վերջի ճիշտ ժամանակը, որպեսզի մարդիկ մշտապես մնան արթնության մեջ։ Մարդիկ մինչեւ այդ պահը պետք է մշտապես մնան սպասման մեջ՝ հետեւելով նշաններին։ Երբեմն-երբեմն այդ սպասումների դրսեւորումները սրվում են նշանների առատության պատճառով. «Պատերազմներ եւ պատերազմների համբաւներ կլսէք, զգոյշ կացէք, որ չշփոթուիք. որովհետեւ ամենը պէտք է լինի, բայց դեռ վերջը չէ։ Որովհետեւ ազգ ազգի վերայ վեր կկենայ, եւ թագաւորութիւն թագաւորության վերայ. եւ սովեր կլինին. եւ մահտարաժամներ՝ եւ տեղ տեղ երկրաշարժութիւններ կլինին»։ Մատթեոս 24։6-7
Այսօր մենք տեսնում ենք, թե աշխարհում որքան է մեծացել երկրաշարժների թիվը, ինչքան շատ են այլեւս լինում երաշտներ եւ ցրտահարություններ, սովամահության դեպքեր… «Որովհետեւ շատերը կգան իմ անունովը եւ կասեն՝ Ես եմ Քրիստոսը. եւ շատերին կմոլորեցնեն»։ Մատթեոս 24։5
«Եւ շուտով այն նեղութեան օրերիցն յետքյ արեգակը կխաւարի, եւ լուսինն իր լոյսը չի տալ. եւ աստղերը երկնքից վայր կընկնեն, եւ երկնքի զօրութիւնները կշարժուին»։ Մատթեոս 24։29
«Եւ եղբայր եղբօր կմատնէ մահի, եւ հայրը որդուն. եւ որդիք վեր կկենան ծնողների վերայ, եւ նորանց կսպանեն։ Եւ ամենին ատելի կլինիք իմ անունի համար. բայց ով որ մինչեւ վերջը համբերէ՝ նա կապրի»։ Մարկոս 13։12-13
Որքան մահապատիժների ենք այսօր ականատես լինում, միայն այն բանի համար, որ քրիստոնյա են…
«Արդ, երբոր տեսնէք աւերածի պղծութիւնը, Դանիէլ մարգարէի ձեռով ասուածը, սրբութեան տեղումը կանգնած. կարդացողը մտածէ. Այն ժամանակ նորանք որ Հրէաստանումն են՝ թող փախչեն սարերը»։ Մատթեոս 24։15-16
«Ասում եմ ձեզ թէ Շուտով իրավունք կանէ նորանց համար։ Սակայն մարդի Որդին գալիս՝ արդեօք հաւատք կգտնէ՞ երկրի վերայ»։ Ղուկաս 18։8
«Որովհետեւ մարդկանց սրտերը կնուաղին վախից եւ այն բաների սպանելուցն, որ բոլոր աշխարհքի վերայ պիտի գան. որովհետեւ երկնքի զօրութիւնները կշարժուին»։ Ղուկաս 21։26
«Սա գիտակցիր, որ յետի օրերումը չար ժամանակներ կգան։ Որովհետեւ մարդիկ կլինին ինքնասէր, արծաթասէր, ամբարտաւան, հպարտ, հայհոյիչ, ծնողների անհնազանդ, ապերախտ, անսուրբ, անգութ, անհաշտ, բանսարկու, անժուժկալ, դաժան, անբարեսէր, մատնիչ, յանդուգն, գոռոզ, աւելի ցանկասէր, քան թէ աստուածասէր։ Որ աստուածապաշտութեան կերպարանքն ունին, բայց նորա զօրութիւնն ուրացած են»։ Բ Տիմոթեոս 3։15
Այսօր աշխարհում նույնիսկ քահանաներ կան, որ էկրանների առաջ, սքեմն ու վեղարը հագած, «խոստովանում» են, որ իրենք սեռական կողմնորոշումը փոխած քահանա են եւ ներկայացնում են իրենց զուգընկերոջը։
«Որովհետեւ այն ժամանակը մեծ նեղութիւն կլինի, որ նմանը աշխարհքիս սկզբիցը մինչեւ հիմա չեղաւ, եւ ոչ էլ երբէք կլինի»։ Մատթեոս 24։21
Այսօր աշխարհի տարբեր ծայրերում պատարագներ են մատուցվում նահատակված քրիստոնյաների համար։ Աշխարհի վերջի մոտալուտության էական նշաններից է լինելու նաեւ Քրիստոսի հավատքի, Ավետարանի համատարած քարոզն ու վկայությունը։
«Եւ շատ սուտ մարգարէներ դուրս կգան եւ անօրէնութեան շատանալու պատճառովը՝ շատերի սէրը կսառչի։ Բայց ով որ մինչեւ վերջը համբերէ՝ նա կփրկուի։ Եւ արքայութեան այս աւետարանը բոլոր տիեզերքումը կքարոզուի ամեն հեթանոսներին վկայութիւն լինելու համար, եւ այն ժամանակ կգայ վերջը»։ Մատթեոս 24։11-14
Սույն մեջբերումներով նախապատրաստվեցինք Հայտնության գլխի 20-րդ գլխի ընթերցանությանն ու մեկնությանը, որտեղ Տերն սկսում է վերջին դատաստանը։
Անահիտ ԲԱՆՈՒՉՅԱՆ
