«Թալիբան» արմատական շարժումը նախազգուշացրել Է, որ կգրոհի թուրքական ուժերի վրա, եթե դրանք մնան Աֆղանստանի տարածքում:
Այդ մասին ասված Է շարժման հայտարարության մեջ, որը հուլիսի 13-ին մեջբերել Է Աֆղանստանի TV1 հեռուստաալիքը:
«Թուրքական ղեկավարության որոշումը չմտածված Է, խախտում Է աֆղանների ինքնիշխանությունը, տարածքային ամբողջականությունը եւ հակասում Է նրանց ազգային շահերին»,- նշված Է թալիբների հայտարարության մեջ: Շարժումը նշում Է, որ «ցանկացած օտարերկյա զորեքրի եւ ցանկացած պատրվակով մնալն Աֆղանստանի տարածքում դիտում Է որպես օկուպացում եւ կպայքարի զավթիչների դեմ»:
Թալիբները Թուրքիայի ղեկավարությանը կոչ են արել հրաժարվելու այն որոշումից, որը «խնդիրներ կստեղծի երկու երկրների մուսուլման ժողովուրդների միջեւ»: «Եթե թուրք պաշտոնատար անձինք չվերանայեն իրենց որոշումը,- ասված Է հայտարարության մեջ,- ապա «Թալիբանի» կողմնակիցները դուրս կգան (Աֆղանստանում) թուրքական ուժերի դեմ»: Այդ դեպքում թալիբները պատասխանատվությունը դրել են նրանց վրա, «ովքեր միջամտում են ուրիշների գործերին եւ ընդունում նման չմտածված որոշումներ»: Հունիսի 14-ին Թուրքիայի նախագահ Թայիփ Էրդողանը հայտարարել Է, որ իր երկիրը պատրաստ Է Աֆղանստանում պահպանելու իր զորակազմն այնտեղից ՆԱՏՕ-ի զորքերի դուրսբերումից՝ հետո ԱՄՆ-ի ֆինանսական աջակցության դեպքում՝:
ԱՄՆ-ի նախագահ Ջո Բայդենն ապրիլի 14-ին հայտարարել Է Աֆղանստանում գործողությունը վերջացնելու մասին: Սպիտակ տանը հույս ունեն, որ ամերիկյան զորքերի դուրսբերումը, որն սկսվել Է մայիսին, կավարտվի օգոստոսի վերջին: Ինչպես անցյալ շաբաթ հայտնել Է ԱՄՆ-ի զինված ուժերի կենտրոնական հրամանատարությունը, Միացյալ Նահանգներն ավելի քան 90 տոկոսով ավարտել են Աֆղանստանից զորակազմի դուրսբերման գործընթացը, հաղորդել Է ՏԱՍՍ-ը:
