ՀՀ Ազգային ժողովի «Իմ քայլը» խմբակցության պատգամավոր, եզդիական համայնքի ներկայացուցիչ Ռուստամ Բաքոյանը շնորհակալություն է հայտնել Բելգիայի խորհրդարանին՝ Եզդիների ցեղասպանությունը ճանաչելու համար:
Բաքոյանի գրառումը ներկայացնում ենք ստորեւ.
«Շնորհակալություն, Բելգիա: Բելգիայի խորհրդարանը ճանաչեց Եզդիների ցեղասպանությունը: Եզդիների ցեղասպանության ճանաչման բանաձեւում Բելգիան հայրենի հողեր վերադառնալու եւ երկրի վերակառուցմանը մասնակցելու կոչ է արել եզդի բնակիչներին: Միաձայն ընդունված բանաձեւում նշվում է, որ խորհրդարանը դատապարտում է 2014 թվականից Իրաքում եւ Սիրիայում եզդիների դեմ «Իրաք-Շամ իսլամական պետության» ահաբեկիչների իրականացրած ցեղասպանությունը»:
