Այն տեղեկատվությունը, թե «Թալիբան» արմատական շարժումը վերահսկում Է Աֆղանստանի սահմանների 90 տոկոսը, ճիշտ չԷ եւ իրենից «սուտ քարոզչություն» Է ներկայացնում: Հուլիսի 23-ին այդ մասին AFP-ին Քաբուլում հայտարարել Է Աֆղանստանի պաշտպանության նախարարության ներկայացուցիչ Ֆավադ Ամանը:
«Դա իրական ոչ մի բանի վրա չհիմնված քարոզչություն Է: Վերահսկողությունը գտնվում Է Աֆղանստանի անվտանգության ուժերի ձեռքին: Սահմանի երկայնքով բոլոր հիմնական քաղաքները գտնվում են մեր վերահսկողության ներքո, ինչպես եւ հիմնական ուղիները»,- ասել Է պաշտոնական ներկայացուցիչը: Հուլիսի սկզբին «Թալիբան» շարժումը վերահսկողության տակ Է վերցրել Աֆղանստանի շրջանները հինգ երկրների՝ Իրանի, Տաջիկստանի, Թուրքմենստանի, ՉԺՀ-ի եւ Պակիստանի հետ սահմանների երկայնքով՝ արեւմտյան կոալիցիայի զորքերի դուրսբերման ֆոնին:
Ինչպես հայտարարել Է Աֆղանստանի զինված ուժերի նոր հրամանատար գեներալ Վալի Մոհամադ Ահմաձայը, բանակի համար առաջնահերթությունը թալիբներից երկրի հիմնական քաղաքների, սահմանային անցումների եւ խճուղիների պաշտպանությունն Է: Նրա խոսքով՝ «Թալիբանի» պարագլուխները մտադիր են նախ կտրել հիմնական ճանապարհները, որոնցով կատարվում Է ապրանքների մատակարարում, իսկ այնուհետեւ հարձակում ծավալել քաղաքների եւ շրջանների վրա, հաղորդել Է ՏԱՍՍ-ը:
