Իրանի հեռացող նախագահ Հասան Ռոհանին երկրի խորհրդարանին մեղադրել է միջուկային ծրագրի պատճառով Իրանի դեմ սահմանված տնտեսական պատժամիջոցների վերացման հարցի լուծմանը խոչընդոտելու մեջ:
Ավելի վաղ Tasnim գործակալությունը հաղորդել էր, որ Իրանի խորհրդարանի նախագահությունը քննարկում է օրինագիծ, որով նախատեսվում է սահմանափակել Իրանի կառավարության 7 ԱՄՆ-ի միջև ուղիղ բանակցությունները: Ըստ առաջարկվող օրինագծի` կառավարությունը պարտավոր կլինի համաձայնեցնել խորհրդարանի հետ բանակցությունների թեման և ստանալ դրանց անցկացման թույլտվություն:
«Եթե մենք ուզում էինք ինչ-որ քայլեր ձեռնարկել` պատժամիջոցները վերացնելու համար, ԱՄՆ նախկին նախագահ Դոնալդ Թրամփի կառավարման տարիներին, ապա իշխանության ողջ համակարգը պետք է որոշում կայացներ այդ մասին: Միայն կառավարությունը չի կարող դա անել, և Իրանի խորհրդարանը խոչընդոտեց պատժամիջոցների վերացման գործընթացին», – հայտարարել է հեռացող նախագահը:
Այժմ Վիեննայում բանակցություններ են ընթանում Իրանի միջուկային ծրագրի գործողությունների համատեղ համապարփակ ծրագրի վերականգնման և Իրանի նկատմամբ ԱՄՆ պատժամիջոցների վերացման շուրջ: Վեցերորդ փուլn ավարտվել է հունիսի 20-ին:
Ավելի վաղ Իրանի խորհրդարանի նախագահության խոսնակ Սեյեդ Նեզամ ալ-Դին Մուսավին հայտարարել էր, որ Իրանի ընտրված նախագահ Իբրահիմ Ռաիսի երդմնակալության արարողությունը տեղի կունենա օգոստոսի 5-ին:
