Թուրքական Մաֆիայի առաջնորդ, ազգայնամոլական հայացքներով Սադաթ Փոքերն իշխանություններին նախազգուշացրել է, որ քրդերին ու քրդամետ Ժողովրուրդների ժողվրդավար կուսակցությանը (HDP) անտառների հրկիզման համար մեղադրելը հղի է երկրում քաղաքակցական պատերազմի բռնկմամբ։ Տեսակետ, որը ճշմարտությունից հեռու չէ. դա են վկայում ներքին որոշ զարգացումներ։ Ահավասիկ, նախորդ շաբաթ ծայրահեղ ազգայնականները Քոնյայում 7 հոգանոց քուրդ ընտանիքի բոլոր անդամներին են սպանել։
Քրդական խորհրդի նախագահությունը (KCK) այս առիթով հանդես է եկել հայտարարությամբ, որտեղ նշվել է, թե այդ ոճրագործության համար մեղավոր են իշխող կոալիցիայի՝ Աարդարություն ու զարգացում եւ Ազգայնական շարժում կուսակցությունների առաջնորդները՝ Ռեջեփ Էրդողանն ու Դեւլեթ Բահչելին։ Քանի որ 2021թ․ վերջիններիս գլխավորած կոալիցիան սաստկցրել է ազգայնամոլական քարոզչությունը, այդ համատեքատում քրդերին ու HDP-ին թշնամի հայտարարելով։ Բացի այդ, ազգայնամոլները օգոստոսի 1-ին հարձակվել են Անթալիայի Ալմալի շրջանի Յերալար գյուղում սեզոնային աշխատող քուրդ բանվորնրի վրանների վրա, նրանց ծեծ ու ջարդի ենթակելով, վիրավորելով, սպառանցել են, որ եթե չհեռանան իրենց գյուղից, նրանց կհրկիզեն։ Քուրդ բանվոր Սերվեթ Քուրգանը պատմել է, որ հարձակվողները շուրջ 300 հոգի էին, կեսգիշերին հարձակվել են մեր ու մեր ընտնիքների վրա, բղավելով․«Դուք քուրդ եք, պետք է հեռանք մեր երկրից», ապա վերջնաժամկետ են տվել, շեշտելով, որ հակառակ դեպքուն նրանց ու իրենց ընտանիքներին վառելու են։ Նա հավելել է, որ մեծ թվով վիրավորներ կան, ոմանց քիթն է ջարդվել, ոմանց կողերը, ոմանց էլ ատամները։ Սրվեթը նշել է, որ ժանդարմները նրանցից հետո եկան ու ասացին, որ իրենք ոչինչ չեն կարող անել։ Ըստ HDP-ի հրապարակած հայտարարության, Ալմալիի ղեկավարության հետ երկարբարակ բանակցություններից հետ, բանվորներին ժամանակավորապես տեղափոխել են ապահով տեղ։
