Միացյալ Նահանգները հնարավորություն ունի աջակցություն ցուցաբերելու Աֆղանստանի զինված ուժերին և անվտանգության ուժերին և կշարունակի ավիահարվածներ հասցնել այդ նպատակով: ՏԱՍՍ գործակալության փոխանցմամբ՝ այս մասին ճեպազրույցի ժամանակ ասել է Պենտագոնի խոսնակ Ջոն Կիրբին:
«Մենք հետևում ենք «Թալիբանի» ակտիվությանը երկրում, անվտանգության հետ կապված իրավիճակը դեռևս մտահոգիչ է: Մենք լիազորություն և հնարավորություններ ունենք տեղում օգնելու աֆղանական զինված ուժերին ավիահարվածների միջոցով: Խոստովանում ենք, որ ավիահարվածներ ենք իրականացնում և շարունակելու ենք իրականացնել՝ նրանց աջակցելու համար:
Հիշեցնենք, որ «Թալիբան» արմատական շարժումն ակտիվացրել է մարտական գործողություներն Աֆղանստանի տարածքում և վերահսկողություն հաստատել մի շարք շրջաններում, այդ թվում և սահմանային: Թալիբների առաջխաղացումը տեղի է ունենում երկրից ամերիկյան զորքերը դուրսբերմանը զուգահեռ: ԱՄՆ նախագահ Ջո Բայդեն որոշմամբ՝ ամերիկացի զինվորականներն Աֆղանստանից վերջնականապես կհեռանան մինչև սեպտեմբերի 11-ը:
