Իրանում տեղատարափ անձրևները լայնածավալ ջրհեղեղներ են առաջացրել. կան զոհեր

Իրանի հարավում տեղատարափ անձրևները լայնածավալ ջրհեղեղներ են առաջացրել: Աղետը խլել է առնվազն ութ մարդու կյանք, փոխանցում է tert.am-ը:

«Այս պահին ութ մարդ մահացել է, երկուսը դեռ անհետ կորած են համարվում»,- ասել է Իրանի ազգային փրկարար ծառայության ներկայացուցիչ Մոջթաբա Խալեդին։ Տեղումները վնասել են գյուղատնտեսությունը, ենթակառուցվածքները, հեղեղվել են տներ քաղաքներում և գյուղերում։ Խալեդին հավելել է, որ ավելի քան 500 փրկարարական ջոկատներ օգնություն են ցույց տվել տուժած շրջաններում գտնվող մարդկանց։

Իրանական Կարմիր մահիկը «հրատապ ապաստան է տրամադրել ավելի քան երեք հազար մարդու, իսկ ավելի քան 20 հազարը շտապ օգնություն է ստացել»: Սպասվում է, որ առատ տեղումները կշարունակվեն մինչև այս շաբաթվա վերջ։ Հորդառատ անձրևներից տուժել են նաև  Օմանում, ԱՄԷ-ում, Սաուդյան Արաբիայում, Քուվեյթում, Պակիստանում և Աֆղանստանում։