Գ. Հակոբյանի «Կրթությանն ու գիտությանը՝ ազատ ճանապարհ» հոդվածում («ՀՀ» օրաթերթ, 9 դեկտեմբեր, 2022 թ.) բարձրացված են շատ կաեւոր հարցեր։ Պետք է զննել եւ հայտնաբերել մեր բոլոր հնարավորությունները, մանավանդ բնության բարիքների օգտագործման հետ կապված, քանի որ բնական աղբյուրները վերականգնվող են։
Բնաբուժությունն այստեղ ունի իր ուրույն տեղը, քանի որ գերադասելի է բուժվել բնական միջոցներով, ինչպես դա արել են մեր նախնիները, օգտվել հանրապետության առողջարաններից՝ չտեղափոխելով գումար արտասահման, ներգրավել արտասահմանյան հնարավորություններն ու բնակչությանը։ Այս խնդիրները լուծելու համար հարկավոր է պետական մտածողություն, գիտական մոտեցում եւ՛ տնտեսական, եւ՛ բուժման առումներով։ Հասկանալի է, որ այստեղ պետք է համապատասխան կրթություն։
Եթե «Ան. Շիրակացի» համալսարանի շուրջ համախմբված կրթական եւ գիտական կազմակերպությունները հասել են այն մակարդակի, որ նրանց՝ բնական դեղամիջոցների ստեղծման համար ստացած հեղինակային լիցենզիաներն հասնում են վաթսունի, ապա պետք է կիրառել նրանց փորձը եւ բոլոր հնարավորությունները տալ այս ուղղությունը զարգացնելու համար։
Նանա ՍԻՄՈՆՅԱՆՑ
Տնտեսական գիտությունների թեկնածու
