«City»-ն պարունակում է ոչ միայն արդի թեմաների վերաբերյալ խմբագրական նյութեր, այլեւ բացառիկ հարցազրույցներ բարձրաստիճան պաշտոնյաների, քաղաքական գործիչների, գործարարների եւ հասարակական գործիչների հետ: Այսպիսով՝ Սանկտ Պետերբուրգի բարերար Հրաչյա Պողոսյանի հետ հարցազրույցը առանցքային դարձավ այս տարվա համարում, եւ նա հայտնվեց ամսագրի շապիկին: «13 երկիր, 250 նախագիծ, միլիոնավոր ճակատագրեր». այսպես էր վերնագրված հարցազրույցը: Գլխավոր տնօրեն ու խմբագիր Ալինա Կլիմենկոն է պատրաստել նյութը` ուսումնասիրելով Հրաչյա Պողոսյանի հասարակական նախաձեռնությունները:
-Ես ուզում եմ երախտագիտությունս հայտնել «Аргументы и факты»-ի ղեկավար անձնակազմին եւ անձամբ Ալինա Սերգեեւնային,- նշել է բարերարը,- նա բազմիցս ներկա է գտնվել իմ կազմակերպած միջոցառումներին եւ մշտապես ցուցաբերել է բարձր պրոֆեսիոնալիզմ՝ մանրամասն ուսումնասիրելով յուրաքանչյուր նախագծի պատմությունը:
Ամսագրի տպագիր տարբերակին կարելի է ծանոթանալ ПМЭФ-2021 տեղեկատվական հարթակում: Ամսագիրը հասանելի է նաեւ «Россия» եւ «Аэрофлот» ավիաընկերությունների բիզնես կարգի ուղեւորներին, «Шереметьево» եւ «Внуково» օդանավակայանների VIP սրահների այցելուներին, «Сапсан»-ի գնացքների բիզնես դասի վագոններին, Սանկտ Պետերբուրգից ներքին եւ միջազգային երթուղիներով շքեղ վագոններին, ինչպես նաեւ քաղաքային ադմինիստրացիայի ամսագրային ցուցանակներին:
