Պատմության հետագծով

-1546 թ. փետրվարի 18-ին մահացել է Մարտին Լյութերը՝ գերմ. հոգեւորական (ծնվ.՝ 1483 թ.):

-1564 թ. փետրվարի 18-ին մահացել է Միքելանջելոն՝ իտալացի մեծագույն նկարիչ, նաեւ քանդակագործ (ծնվ.՝ 1475 թ.)։

-1877 թ. փետրվարի 18-ին ծնվել է Դերենիկ Դեմիրճյանը՝ հայ գրող, հրապարակախոս, բանաստեղծ, արձակագիր, դրամատուրգ, թարգմանիչ։ ՀԽՍՀ ԳԱ ակադեմիկոս (1953), ՀԽՍՀ արվեստի վաստակավոր գործիչ (1940), (մահ.՝ 1956 թ.):

-1906 թ. փետրվարի 18-ին ծնվել է Համազասպ Բաբաջանյանը՝ Խորհրդային Միության զրահատանկային զորքերի գլխավոր մարշալ, Երկրորդ համաշխարհային պատերազմի հերոս (մահ.՝ 1977 թ.):

-1921 թ. փետրվարի 18-ին Երեւանի բանտում բոլշեւիկների կողմից կացնահարվեցին ու գնդակահարվեցին հայ ազգային 21 գործիչներ, սպաներ, նրանց թվում՝ Սարդարապատի հերոսներ Համազասպ Սրվանձտյանը եւ Նիկոլայ Ղորղանյանը։

-1921 թ. փետրվարի 18-ին Հայաստանի բոլշեւիկյան կառավարության դեմ բարձրացած ժողովրդական ապստամբության մասնակիցներն ազատագրեցին Երեւանը։ Երեւանում ստեղծվեց «Հայրենիքի փրկության կոմիտե»՝ նախկին վարչապետ Սիմոն Վրացյանի նախագահությամբ։

-1963 թ. փետրվարի 18-ին ծնվել է Միշել Տեր-Զաքարյանը՝ ֆրանսահայ նախկին ֆուտբոլիստ եւ մարզիչ:

-1977 թ. փետրվարի 18-ին Երեւանում բացվեց ականավոր զորավար Գայի (Հայկ Բժշկյանց) արձանը։

-1979 թ. փետրվարի 18-ին Սահարա անապատում պատմության մեջ առաջին անգամ  ձյուն տեղաց։