Թենիսի ամենահեղինակավոր մրցաշարի` Ուիմբլդոնի, տղամարդկանց մենախաղում հաղթեց սերբ Նովակ Ջոկովիչը:
Լոնդոնում ընթացող մրցաշարի եզրափակիչում Նովակ Ջոկովիչը մրցեց աշխարհի 9-րդ ռակետ իտալացի Մատեո Բերետինիի հետ: 3 ժամ 30 րոպե ձգված մրցախաղում Նովակ Ջոկովիչը հաղթեց 4 սեթերից հետո` 6:7 (4:7), 6:4, 6:4, 6:3 հաշվով:
Սերբ թենիսիստը Մեծ սաղավարտի մրցաշարերում հաղթանակների քանակով հավասարավեց Ռոջեր Ֆեդերերին եւ Ռաֆայել Նադալին, որոնք արդեն իսկ նվաճել են 20-ական տիտղոս: Սա Նովակ Ջոկովիչի 6-րդ հաղթանակն էր Ուիմբլդոնում:
Նովակ Ջոկովիչը նաեւ ATP վարկանիշային մրցաշարի առաջատարն է:
Ուիմբլդոնը, որը համարվում է ամենահին եւ հեղինակավոր մրցաշարերի մեկը, առաջին անգամանցկացվել է 1877 թվականին: Արդեն 133-րդ անգամ անցկացվող մրցաշարը անցկացվում է Լոնդոնի կորտերում: Այս տարի մրցաշարին որոշել են չմասնակցել իսպանացի Ռաֆայել Նադալը, որը հաղթելէր 2008 եւ 2010 թվականներին, ինչպես նաեւ ավստրիացի Դոմինիկ Տիմը, Ստեն Վավրինկան, Սիմոնա Հալեպը, Նաոմի Օսական: Ուիմբլդոնը ռեկորդակիր հաղթողը շվեյցարացի Ռոջեր Ֆեդերերն է, ով 8 անգամ դարձել է չեմպիոն, իսկկանանց պայքարում Մարտինա Նավրատիլովան (8 անգամ):
