Մարմնամարզիկ Արթուր Դավթյանն առաջինը կսկսի պայքարը Տոկիոյի ամառային օլիմպիական խաղերում։
Հուլիսի 24-ին Արթուր Դավթյանը հանդես կգա տղամարդկանց որակավորման փուլում, փոխանցում է armsport-ը:
Արթուր Դավթյանը Եվրոպայի պատանեկան առաջնության հաղթող է, Եվրոպայի առաջնությունների ոսկե ,արծաթե եւ բրոնզե մեդալակիր. Եվրոպական մարզական երկրորդ խաղերի չեմպիոն: Աշխարհի գավաթի խաղարկությունների երկրորդ եւ երրորդ մրցանակակիր։
Հաջորդ օրը՝ հուլիսի 25-ին, ասպարեզ դուրս կգան Էլմիրա Կարապետյանը (10մ. ատրճանակ) եւ բռնցքամարտիկ Հովհաննես Բաչկովը (63 կգ):
Հիշեցնենք՝ հայ օլիմպիականների մի մասն այս գիշեր մեկնել է Տոկիո։ Նրանց թվում են ծանրորդներ Սիմոն Մարտիրոսյանն ու Իզաբելա Յայլյանը, բռնցքամարտիկներ Կորյուն Սողոմոնյանը, Հովհաննես Բաչկովը, Արման Դարչինյանը, ձյուդոիստ Ֆերդինանդ Կարապետյանը, մարմնամարզիկ Արթուր Դավթյանը, լողորդներ Արթուր Բարսեղյանն ու Վարսենիկ Մանուչարյանը:
Էլմիրա Կարապետյանը Հայաստանի ներկայացուցիչներից առաջինն է ժամանել մրցավայր՝ հուլիսի 15-ին։
