Պատմության հետագծով

-1961 թ. հոկտեմբերի 29-ին Սիրիան դուրս է գալիս Միացյալ Արաբական Հանրապետության կազմից:

-1998 թ. հոկտեմբերի 29-ին ԱՄՆ-ում տիեզերք է թռչում 77 տարեկան և 103 օրական ամենատարեց աստղագնաց Ջոն Գլենը:

-1787 թ. հոկտեմբերի 29-ին տեղի ունեցավ Վոլֆգանգ Ամադեուս Մոցարտի «Դոն Ժուան» օպերայի առաջին բեմադրությունը:

-1899 թ. հոկտեմբերի 29-ին ծնվել է Ակիմ Թամիրովը` ամերիկահայ դերասան (մահ.` 1979 թ.): 2 անգամ ներկայացվել է «Օսկար» մրցանակի երկրորդ պլանի լավագույն դերասան անվանակարգում «Գեներալի մահը լուսաբացին» (1936) և «Ու՞մ մահն է գուժում զանգը» (1944) հոլիվուդյան դասական դարձած ֆիլմերի համար։ «Ու՞մ մահն է գուժում զանգը» ֆիլմի համար ստացել է «Ոսկե գլոբուս» երկրորդ պլանի լավագույն դերասան անվանակարգում: 1960 թ. Հոլիվուդյան փառքի ծառուղում բացվել է նրա փառքի աստղը:

-1949 թ. հոկտեմբերի 29-ին մահացել է Գեորգի Գյուրջիևը` հայազգի մտավորական, միստիկ, հոգևոր ուսուցիչ, կոմպոզիտոր, պարուսույց և փիլիսոփա։ Ծնվել է 1866 թ. Ալեքսանդրապոլում (այժմ՝ Գյումրի) և մահացել 1949 թ.Ֆրանսիայում: Գյուրջիևի հայրը՝ աշուղ ուստա Ադաշը, հունադավան հայ էր, իսկ մայրը՝ գյումրեցի հայուհի։ Համաձայն Գյուրջիևի ուսմունքի՝ մարդկությունը չի տիրապետում մտքի ու մարմնի մեկ միասնական ընկալման, և արդյունքում ապրում է յուր կյանքը հիպնոտիկ քնի մեջ կամ այսպես ասած՝ «արթմնի քնում»: Սակայն համաձայն նույն ուսմունքի՝ մարդն ի վիճակի է իրեն փոխակերպել՝ հասնելով գերբարձր բանականության՝ տիրապետելով մարդկային լիարժեք կարողությունների, ինչն անհասանելի է սովորական մահկանացուների համար:

-1956 թ. հոկտեմբերի 29-ին Արաբա-իսրայելական հակամարտության ժամանակ սկսվեց Սուեզյան ճգնաժամը, Իսրայելը Մեծ Բրիտանիայի և Ֆրանսիայի աջակցությամբ պատերազմ սկսեց Եգիպտոսի դեմ:

-1959 թ. հոկտեմբերի 29-ին մահացել է Լևոն Քալանթարը` ՀԽՍՀ ժողովրդական արտիստ (1954): Գաբրիել Սունդուկյանի անվան ակադեմիական թատրոնի առաջին գեղարվեստական ղեկավարը: Ավետիս Քալանթարի որդին, Ալեքսանդր և Կարեն Քալանթարների հայրը: