Գրոսմայստերներ Լեւոն Արոնյանը եւ Գաբրիել Սարգսյանը սկսում են պայքարն աշխարհի գավաթի խաղարկությունում:
Արոնյանը եւ Սարգսյանը աշխարհի գավաթի խաղարկության առաջին փուլը բաց թողեցին բարձր վարկանիշի շնորհիվ: Աշխարհի գավաթի խաղարկության երկրորդ փուլում են նաեւ Շանթ Սարգսյանը, Հովհաննես Գաբուզյանը, Հայկ Մարտիրոսյանը եւ Էլինա Դանիելյանը:
Ռեկորդային թվով հայ շախմատիստներ Հայաստանն այս տարի ներկայացնում են աշխարհի գավաթի խաղարկությունում: Տղամարդկանց խաղարկությունում Հայաստանը ներկայացնում են 5 շախմատիստ՝ Լեւոն Արոնյանը, Գաբրիել Սարգսյանը, Հովհաննես Գաբուզյանը, Հայկ Մարտիրոսյանը եւ Շանթ Սարգսյանը։ Նշենք, որ այս թիվը ռեկորդային է Հայաստանի համար։ 2005 թվականից անցկացվող աշխարհի գավաթի խաղարկություններում հայ մասնակիցների թիվն առավելագույնը եղել է 4։
Կանանց մրցաշարում Հայաստանը ներկայացնում է Հայաստանի կանանց հավաքականի առաջատար Էլինա Դանիելյանը։
Շախմատի աշխարհի գավաթի խաղարկությունն այս տարի անցկացվում է ռուսաստանյան Սոչի քաղաքում: Տղամարդկանց մրցաշարին մասնակցում են 206, իսկ կանանց մրցաշարին` 103 մասնակից: Այն կեզրափակվի օգոստոսի 6-ին:
