Մուհամեդ Ալիի թոռն առաջին հաղթանակն է տարել պրոֆեսիոնալ ռինգում

Լեգենդար Մուհամեդ Ալիի 21-ամյա թոռը տեխնիկական նոկաուտով հաղթանակ է տարել պրոֆեսիոնալ ռինգում իր առաջին իսկ մարտում։

Ամերիկացի բռնցքամարտիկ Նիկո Ալի Ուոլշը՝  ծանր քաշային կարգում աշխարհի նախկին բացարձակ չեմպիոն Մուհամեդ Ալիի թոռը, իր առաջին հաղթանակն է տարել պրոֆեսիոնալ ռինգում։

Ալի Ուոլշը ԱՄՆ-ում կայացած մրցաշարի առաջին ռաունդում տեխնիկական նոկաուտի է ենթարկել իր հայրենակից ամերիկացի Ջորդան Ուիքսին։

Միջին քաշային կարգում հանդես եկող 21-ամյա բռնցքամարտիկի համար սա առաջին մենամարտն էր պրոֆեսիոնալ ռինգում։