-1380 թ. սեպտեմբերի 8-ին տեղի է ունեցել ռուսական զորքերի ճակատամարտը Կուլիկովո դաշտում Ոսկե Հորդայի խան Մամայի դեմ՝ Վլադիմիրի եւ Մոսկվայի մեծ իշխան Դմիտրի Դոնսկոյի ղեկավարությամբ։
-1504 թ. սեպտեմբերի 8-ին Միքելանջելոն ավարտում է Դավթի արձանի քանդակումը:
-1701 թ. սեպտեմբերի 8-ին Մխիթար Սեբաստացին Կ. Պոլսում հիմնում է Մխիթարյան միաբանությունը: Մխիթարյան միաբանությունը (Մխիթարյաններ) հայ կրոնական եւ մշակութային կազմակերպություն է, հայ կաթոլիկ եկեղեցու բենեդիկտյան վանականների միաբանություն: Միաբանությունն իր գործունեության ընթացքում հրատարակել է բազմաթիվ հայագիտական-բանասիրական, կրոնական եւ գիտական աշխատություններ։ Մխիթարի եւ նրա առաջին աշակերտների հավատամքն էր. «Ազգը չզոհել կրոնին եւ կրոնը՝ ազգությանը»։
-1888 թ. սեպտեմբերի 8-ին անցկացվում է Անգլիայի ֆուտբոլի լիգայի առաջին խաղը:
-1841 թ. սեպտեմբերի 8-ին ծնվել է Անտոնին Դվորժակը՝ չեխ կոմպոզիտոր:
-1877 թ. սեպտեմբերի 8-ին ծնվել է Առանձարը՝ հայ երգիծաբան-նովելիստ։
-1922 թ. սեպտեմբերի 8-ին ծնվել է Օհան Դուրյանը՝ հայ անվանի դիրիժոր:
-1923 թ. սեպտեմբերի 8-ին ծնվել է Ռասուլ Համզատովը՝ խորհրդային պոետ եւ հասարակական գործիչ:
-1949 թ. սեպտեմբերի 8-ին մահացել է գերմանացի կոմպոզիտոր եւ դիրիժոր Ռիհարդ Շտրաուսը:
-1973 թ. սեպտեմբերի 8-ին մահացել է ճարտարապետ Ռաֆայել Իսրայելյանը՝ «Սարդարապատի հերոսամարտ» հուշահամալիրի հեղինակը:
