Պատմության հետագծով

-1604 թ. հոկտեմբերի 9-ին Երկրի վրա նկատվում է SN 1604 գերնոր աստղի բռնկումը:

-1806 թ. հոկտեմբերի 9-ին Պրուսիան պատերազմ է հայտարարում Ֆրանսիային:

-1829 թ. հոկտեմբերի 9-ին Խաչատուր Աբովյանը եւ Դորպատի համալսարանի պրոֆեսոր Ֆրիդրիխ Պարրոտը բարձրացան Արարատի գագաթը:

-1831 թ. հոկտեմբերի 9-ին սպանվում է անկախ Հունաստանի առաջին կառավարիչ Իոանիս Կապոդիսթրիասը:

-1888 թ. հոկտեմբերի 9-ին բացվում է Վաշինգտոնի հուշարձանը:

-1912 թ. հոկտեմբերի 9-ին սկսվեց առաջին Բալկանյան պատերազմը:

-2006 թ. հոկտեմբերի 9-ին Հյուսիսային Կորեան իրականացրեց միջուկային փորձարկում:

-1974 թ. հոկտեմբերի 9-ին ստեղծվեց Համաշխարհային փոստային միությունը։

-2008 թ. հոկտեմբերի 9-ին Երկիր մոլորակին մոտեցավ «2004 TS26» աստերոիդը մինչեւ 6150 կմ, այն Երկրին ամենամոտ գտնված աստերոիդն է։

-2011 թ. հոկտեմբերի 9-ին ստեղծվեց Ուկրաինայի եւ Աբխազիայի հայերի միությունը։

-1879 թ. հոկտեմբերի 9-ին ծնվել է Մաքս Լաուեն՝ գերմանացի նշանավոր ֆիզիկոս. հիմնական աշխատանքները վերաբերում են օպտիկային, հարաբերականության տեսությանը, պինդ մարմնի ֆիզիկային։ Մշակել է բյուրեղներում ռենտգենյան ճառագայթների ինտերֆերենցի տեսությունը, որով դրվել են նյութի հետազոտման ռենտգենակառուցվածքային վերլուծության հզոր մեթոդի հիմքերը։ Նոբելյան մրցանակի դափնեկիր (1914 թ.)։

-1932 թ. հոկտեմբերի 9-ին ծնվել է Սեդա Վերմիշեւան՝  բանաստեղծուհի, տնտեսագետ եւ հասարակական գործիչ։ Հեղինակ է 8 պոետիկ գրքերի եւ բազմաթիվ վերլուծական հոդվածների։ Սեդա Վերմիշեւան Հայ-ռուսական բարեկամության Մոսկովյան համայնքի համանախագահն էր։

-1940 թ. հոկտեմբերի 9-ին ծնվել է Ջոն Լենոնը՝ բրիտանացի ռոք-երաժիշտ, երգիչ, բանաստեղծ, երգահան, նկարիչ, գրող։ «Բիթլզ» խմբի հիմնադիրներից մեկը, 20-րդ դարի հանրաճանաչ երաժիշտ։ 1970 թ. խմբի կազմալուծումից հետո շարունակել է ստեղծագործել։

-1962 թ. հոկտեմբերի 9-ին Ուգանդան անկախացավ Միացյալ Թագավորությունից։