-1875 թ. հոկտեմբերի 30-ին ծնվել է Ավետիք Սահակի Իսահակյանը` հայ բանաստեղծ, արձակագիր, թարգմանիչ, գրական-հասարակական գործիչ, հրապարակախոս։ Հայաստանի ԳԱ ակադեմիկոս (1943)։ ԽՍՀՄ Պետական մրցանակի դափնեկիր (1946):
-1907 թ. հոկտեմբերի 30-ին ծնվել է Ռաֆայել Աթայանը` հայ արձակագիր, գրականագետ, մանկավարժ, թարգմանիչ, բանասիրական գիտությունների թեկնածու: Բանաստեղծ, արձակագիր ու թարգմանիչ Արշակ Աթայանի որդին:
-1991 թ. հոկտեմբերի 30-ին Արցախյան ազատամարտի ռազմական գործողություններից մեկի ժամանակ հայկական զինված ուժերը Արկադի Տեր-Թադևոսյանի հրամանատարությամբ ազատագրեցին Հադրութի շրջանի Տող գյուղը:
-1918 թ. հոկտեմբերի 30-ին կնքվեց Մուդրոսի զինադադարը, համաձայն որի Օսմանյան կայսրությունը դուրս եկավ Առաջին համաշխարհային պատերազմից:
-1920 թ. հոկտեմբերի 30-ին թուրք-հայկական պատերազմի ժամանակ թուրքերը գրավեցին Կարսը:
-1922 թ. հոկտեմբերի 30-ին ծնվել է Ցոլակ Բեքարյանը` հայ կոմպոզիտոր, ջութակահար, մանկավարժ (մահ.` 1980 թ.):
-1938 թ. հոկտեմբերի 30-ին Օրսոն Ուելսի «Աշխարհների պատերազմը» ռադիոբեմադրությունը մեծ իրարանցում առաջացրեց ԱՄՆ-ում:
-1960 թ. հոկտեմբերի 30-ին ծնվել է Դիեգո Մարադոնան` արգենտինացի աշխարհահռչակ ֆուտբոլիստ, բոլոր ժամանակների լավագույն ֆուտբոլիստներից մեկը:
-1973 թ. հոկտեմբերի 30-ին բացվեց Բոսֆորի` փաստացի Եվրոպան Ասիային միացնող կամուրջը (Ստամբուլի ասիական մասը միանում է եվրոպական մասին):
-1961 թ. հոկտեմբերի 30-ին Խորհրդային Միության Նովայա Զեմլյա կղզում իրականացվում է 56 մեգատոննանոց ջրածնային ռումբի փորձարկումը:
-1853 թ. հոկտեմբերի 30-ին սկսվում են պատերազմական գործողություններ Ղրիմի պատերազմի Կովկասյան ռազմաճակատում:
