-1957 թ. նոյեմբերի 25-ին ծնվել է Մոնթե Մելքոնյանը՝ Հայաստանի ազգային հերոս, Արցախի հերոս, Արցախյան պատերազմի ակտիվ մասնակից, հայազգի հրամանատար։ Նրա անունով են կոչվում Հայաստանի զինված ուժերի ռազմական ուսումնարաններից մեկը, փողոցներ Հայաստանում եւ Արցախում։
-1887 թ. նոյեմբերի 25-ին Ալֆրեդ Նոբելն արտոնագրում է դինամիտը:
-1945 թ. նոյեմբերի 25-ին Երեւանում տեղի է ունենում Հաղթանակի կամրջի հանդիսավոր բացումը:
-1818 թ. նոյեմբերի 25-ին ծնվել է Հովհաննես Հյունքյարպեյենտյանը՝ բառարանագիր։ Մասնակցել է Աստվածաշնչի խմբագրման աշխատանքներին՝ կատարելով հայերեն թարգմանության եւ հունարեն բնագրի համեմատությունը։ Հեղինակել է «Ստուգաբանական բառարան հայ լեզվի» (1894) աշխատությունը (Իզմիրլյան մրցանակ, 1893), որի առաջաբանում նա հայերենը համարում է թուրանյան լեզու։
-1900 թ. նոյեմբերի 25-ին ծնվել է Ռուբեն Շահվերդյանը՝ հայ նկարիչ, խեցեգործ, ՀԽՍՀ ժողովրդական նկարիչ (1967)։ ՀԽՍՀ արվեստի վաստակավոր գործիչ Ալեքսանդր Շահվերդյանի եղբայրն է։
-1913 թ. նոյեմբերի 25-ին ծնվել է Անտոն Քոչինյանը՝ հայ կուսակցական եւ պետական գործիչ։ Հայաստանի կոմունիստական կուսակցության (ՀԿԿ) կենտկոմի առաջին քարտուղար 1966-1974 թթ.։ Նրա պաշտոնավարության ժամանակ սկսվեց Արփա-Սեւան ջրատարի շինարարությունը։ Երեւանում մետրոպոլիտեն կառուցելու նախաձեռնությունը նույնպես պատկանում է Անտոն Քոչինյանին, որը հետո կյանքի կոչեց Կարեն Դեմիրճյանը։ Նրա պաշտոնավարման օրոք է կառուցվել Եղեռնի հուշարձանը։
-1919 թ. նոյեմբերի 25-ին ծնվել է Հրաչուհի Ջինանյանը՝ դերասանուհի, հաղորդավարուհի, ՀԽՍՀ ժողովրդական արտիստ, Երեւանի պատվավոր քաղաքացի։
-1924 թ. նոյեմբերի 25-ին ծնվել է Անատոլի Պապյանը՝ հայ նկարիչ, ՀԽՍՀ ժողովրդական նկարիչ (1983), պրոֆեսոր (1984)։
-1941 թ. նոյեմբերի 25-ին ծնվել է Վլադիմիր Աբրահամյանը՝ հայ նկարիչ, ՀՀ վաստակավոր նկարիչ (2013)։
-1951 թ. նոյեմբերի 25-ին ծնվել է Մարինե Աբրահամյանը՝ հայ դաշնակահարուհի, ՀՀ վաստակավոր արտիստ:
-1959 թ. նոյեմբերի 25-ին մահացել է Ժերար Ֆիլիպը՝ ֆրանսիացի ճանաչված դերասան (ծնվ.՝ 1922 թ.):
-1974 թ. նոյեմբերի 25-ին մահացել է Արշալույս Սարոյանը՝ հայ գրող, բանաստեղծ, թարգմանիչ, լրագրող (ծնվ.՝ 1891 թ.):
-1177 թ. նոյեմբերի 25-ին տեղի ունեցավ Մոնժիզարեի ճակատամարտը Սալահ ադ Դինի զորքերի եւ Երուսաղեմի թագավորության միջեւ, Խաչակրաց արշավանքների նշանավոր մարտերից մեկը:
-1562 թ. նոյեմբերի 25-ին ծնվել է Լոպե դե Վեգան՝ իսպանացի անվանի դրամատուրգ, բանաստեղծ, արձակագիր (մահ.՝ 1635 թ.):
