«Ռոման» Ա սերիայի հերթական տուրում հյուրընկալվելիս 0-2 հաշվով պարտություն է կրել «Սամպդորիայից»։ Իտալական «directnews» պարբերականը ներկայացրել է հռոմեական թիմի ֆուտբոլիստների գնահատականները նախօրեի խաղից հետո՝ այդուհանդերձ նշելով, որ որոշ խաղացողներ առհասարակ որեւէ գնահատականի արժանի չէին։
Հայաստանի ազգային հավաքականի եւ «Ռոմայի» կիսապաշտպան Հենրիխ Մխիթարյանը հռոմեական թիմի ֆուտբոլիստներից ամենաբարձր գնահատականն է ստացել՝ 6։
Հանդիպման լավագույն խաղացող՝ Հենրիխ Մխիթարյան:
«Սա այն դեպքն է, երբ լավագույնն ես ճանաչվում ընդհանուր առմամբ վատ թիմից։ Միակ դրական կետը ձանձրալի թիմում։ Նա միակ ստեղծագործ ֆուտբոլիստն էր դաշտում։ Թիմակիցներին երկու կամ երեք առանցքային փոխանցում կատարելը՝ ստեղծելով գոլային պահ, այն է, ինչ սպասվում է նրա դիրքի ֆուտբոլիստից։ Իսկ Մխիթարյանն արդարացրեց բոլոր սպասելիքները, միայն ցավոք նրա թիմակիցները չկարողացան այդ փոխանցումները գոլով ավարտել»,- գրել է կայքը։
