Ոչ մի արդյունք
Կարդալ ամբողջը
ԱՐԽԻՎ
Հայաստանի Հանրապետություն
Երեքշաբթի, Մարտի 28, 2023
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք
Հայաստանի Հանրապետություն
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք
Ոչ մի արդյունք
Կարդալ ամբողջը
Հայաստանի Հանրապետություն
Ոչ մի արդյունք
Կարդալ ամբողջը
Գլխավոր Այլք

Արած լավ գործերի համար միշտ էլ հպարտանում ես

Իսկ չարածներիդ համար` ափսոսում ու մտատանջվում

Հունիսի 3, 2022
Այլք
Արած լավ գործերի համար միշտ էլ հպարտանում ես
3
ԿԻՍՎԵԼ ԵՆ
316
ԴԻՏՈՒՄ
Share on FacebookShare on Twitter

Առավոտյան աշխատանքի շտապելիս նրան հանդիպում էի գրեթե ամեն օր: Ու քանի որ գերադասում էր ավելի շատ քայլել, քան օգտվել քաղաքային տրանսպորտի ծառայությու-նից, մեր ճամփան հաճախ էր դեմ-դիմաց հայտնվելու առիթն ընձեռում: Բարեւում էի պատկառանքով ¥մի տեսակ քաշվելով¤՝ հաշվի առնելով տարիքն ու վաստակը: Եվ նա նկատելով իմ պահվածքը՝ ամեն անգամ, թեկուզ հայացքով կշտամբում էր՝ հասկացնելով, որ պաշտոնավարելու տարիներին անգամ փառասիրությունն ու մեծամտությունը ատում էր, եւ իր հոգում երբեք տեղ չունեին: Ու բնավորությամբ նրա չափազանց մարդամոտ, ուշ-ադիր լինելը հետզհետե վերացնում էր մեր միջեւ եղած «անջրպետը»:

Վերջին երկու ամիսներին գրեթե չէի հանդիպում նրան: Մարդ է, չլինի՞ հիվանդացել է: Այդ մտավախությամբ էլ մի օր զանգեցի տուն: Տանտիկինն էր պատասխանում: Կանխազգա-ցումս լիովին «արդարացվեց». հիվանդ պառկած է, ասաց, ինֆարկտ է տարել… Հաջորդ օրը այցելեցի նրան: «Արդեն ինձ «հավաքել» եմ, բավականին կազդուրվել: Նույնիսկ ¥տնեցիներից թաքուն¤ մեկ-մեկ դուրս եմ պրծնում տնից ու, սովորության համաձայն, առաջվա պես քայլում,- ժպտալով ասաց նա: – Գիտես, թե քայլելու պահին որքան եմ հանգստանում, հավատով լցվում: Անցյալի ուրախ եւ տխուր հիշողությունները, իհարկե, հանգիստ չեն տալիս, բայց, այնուամենայնիվ, ապրեցնում են, սթափ պահում…»:

Զավեն Մովսիսյանը ցավով ու ափսոսանքով է հիշում մանկության տարիները: Հադրութի շրջանի Թաղուտ գյուղն է հարազատ ծննդավայրը` կատարյալ մի դրախտավայր, որ այսօր, դժբախտաբար, Դիզակի բոլոր բնակավայրերի հետ թշնամու կողմից գերեվարված է: Դեռ նոր էր փոխադրվել 5-րդ դասարան, երբ պայթեց Հայրենական մեծ պատերազմը, ու հայրը մեկնեց ռազմաճակատ: Բազմանդամ ընտանիքի հոգսերը, փաստորեն, մնացին մոր եւ իր ուսերին: 7 քույր ու եղբայր էին, իսկ ինքը տան ավագ զավակն էր: Պատերազմը, սոցիալական ծանր վիճակը, զրկանքները երբեմն ստիպում էին, որ դաշտում աշխատեն նաեւ գիշերները:

«Երբեք չեմ մոռանում,- հիշում եմ Զավեն Մովսիսյանի խոսքերը: – Պատերազմի ավար-տից հետո գյուղ բարձրաստիճան սպաներ էին եկել մարզային զինկոմիսարիատից: Ժո-ղովրդին հավաքեցին գյուղի ակումբում ու հանդիսավոր պայմաններում մի խումբ կոլտն-տեսականների «Հայրենական մեծ պատերազմի տարիներին ցուցաբերած անձնվեր աշ-խատանքի համար» հանձնեցին մեդալներ: Չափազանց հուզումնալից պահ էր: Ես ու մայրս էլ էինք արժանացել այդ պարգեւին: Ասացին` «Մենք հաշվում ենք, որ դուք էլ պա-տերազմի մասնակիցներ եք եւ յուրովի եք տարել հաղթանակը…»:

Խաղաղ օրեր եկան: Տողի միջնակարգն ավարտելուց հետո ուսումը շարունակեց Երեւա-նի լեռնամետալուրգիական տեխնիկումում: Ավարտեց այն եւ մեկ տարի աշխատեց Դաշ-քեսանի երկաթի եւ կոբալտի հանքավայրում: Սակայն կարոտը հայրենի եզերքի նկատ-մամբ ձգում էր նրան: Ծնողներն ընտանիքով Ստեփանակերտ էին տեղափոխվել: Ու այս-տեղ եկավ` նրանց օգնության ձեռք մեկնելու: Աշխատանքի անցավ «Ղարմետաքս» կոմ-բինատում` ավագ էլեկտրիկ, ընդունվեց կուսակցության շարքերը ¥ի դեպ, նրա անմիջա-կան նախաձեռնությամբ է ստեղծվել ձեռնարկության թատերական ինքնագործ կոլեկտի-վը, որը մի ժամանակ ժողովրդական թատրոնի կոչման արժանացավ ու բարի համբավ ու-ներ Արցախում եւ Հայաստանում¤: Ապա կոմբինատի կոմունիստները նրան կուսկազմա-կերպության քարտուղար ընտրեցին: Կուսակցական բարձրագույն դպրոցն ավարտելուց հետո Ստեփանակերտի քաղաքային կոմիտեում հրահանգիչ, հետո` երկրորդ քարտու-ղար էր աշխատում: 1967-1974 թթ. գլխավորեց արհմիությունների մարզային խորհուրդը: Այդ տարիներին էլ նա հեռակա ավարտել էր Բաքվի ժողովրդական տնտեսության ինստի-տուտի տնտեսագիտական բաժինը: Գրեթե 15 տարի անընդմեջ, որպես առաջին քարտու-ղար, Զ. Մովսիսյանը ղեկավարել է կուսակցության Ստեփանակերտի քաղաքային կոմի-տեն, 1989-ի սկզբներին առողջական վիճակի պատճառով ¥իր դիմումի համաձայն¤ ազատվել է աշխատանքից:

«Իմ կյանքի ու աշխատանքի ամենապայծառ տարիներն անցկացրել եմ «Ղարմետաքս» -կոմբինատի բազմահազարանոց կոլեկտիվում,- հանդիպումներից մեկի ժամանակ ան-կեղծորեն խոստովանել է Զավեն Մովսիսյանը: – Այստեղ, իրոք, ես կյանքի մեծ դպրոց եմ անցել, դաստիարակվել, սովորել աշխատասիրություն, զգացել բանվորական հզոր կոլեկ-տիվի շունչն ու ուժը: Ձեռնարկությունն ինձ համար հարազատ մի օջախ էր, հիրավի, իմ երկրորդ տունը… Տարիների հեռվից բազմաթիվ հարազատ տաք հայացքներ են մնացել իմ հիշողության մեջ, որոնք եղել են ու հիմա… չկան: Եվ ամեն անգամ, անցնելով կոմբինա-տի ավերակների կողքով, մի անասելի խոր ցավ եմ զգում անդառնալի կորուստների հա-մար… Հավատացեք, ես ինձ երբեք այնքան երջանիկ ու հպարտ չեմ զգացել, որքան ավան-դույթներով հարուստ այդ ընտանիքում»:

Զ. Մովսիսյանը խոստովանում էր, որ չնայած կոմունիստական գաղափարների նվիրյալ է, սակայն դա ամենեւին էլ չի նշանակում, թե ինքը լիովին պաշտպանում է կուսակցության ծրագրի բոլոր կետերն ու պահանջները: «Ես էլ, անշուշտ, որոշ սխալներ ունեցել եմ ¥անս-խալ մարդ չի լինում¤: Մենք Արցախն ինքնուրույն ղեկավարելու եւ ազատ մտածելու իրա-վունքը գրեթե չունեինք: Մեզ ամեն ինչ թելադրում, պարտադրում էին Բաքվից: Ադրբեջա-նի ղեկավարների քողարկված, հակահայկական քաղաքականության պատճառով մեր լեռնաշխարհը կորցրեց ոչ քիչ նյութական, հոգեւոր եւ բարոյական արժեքներ: Շարունակ ոտնահարվում էին մեր ինքնասիրությունն ու ազգային արժանապատվությունը: Եվ մենք, բնականաբար, զգում էինք Ադրբեջանի կուսակցական կազմակերպության ղեկավարների այդ ստոր եւ նենգ քաղաքականությունը, որը լիովին հակասում էր մեր գաղափարներին: Մենք դառնորեն խաբված էինք: Ու միմիայն արցախյան պայքարը բացեց մեր աչքերը… Արած լավ գործերի համար միշտ էլ հպարտանում ես, իսկ չարածներիդ համար` ափսո-սում ու մտատանջվում»,- զրույցներից մեկի ժամանակ նշել է նահապետը:

Արցախյան շարժման առաջին օրերին, երբ «պարզություն» մտցնելու համար Արցախ էին ժամանել Մոսկվայի եւ Բաքվի կուսակցական բարձրաստիճան ղեկավարները, կուսակ-ցության քաղաքային ու մարզային կազմակերպությունների պլենումներում եւ ակտիվի ժողովներում ¥ինչպես նաեւ հանրահավաքներում¤ նա եւս ելույթ ունեցավ եւ ժխտեց Լեռ-նային Ղարաբաղը Ադրբեջանի կազմում մնալու պահանջը:

«Կուսակցական-մարզային ակտիվի ժողովից անմիջապես հետո հեռագիր ուղարկեցի Բաքու, որտեղ նշել էի. «Հաշվի առնելով, որ Ադրբեջանի իշխանությունները բացարձակ հակահայկական քաղաքականություն են վարում իմ ժողովրդի դեմ, հրաժարվում եմ Գե-րագույն խորհրդի պատգամավորի լիազորություններից: Ինձ համար խայտառակություն կլիներ սեփական ժողովրդի դեմ քվեարկելը…»,- հեռագրի պատճենը մեկնելով ինձ՝ ասել է Զ. Մովսիսյանը:- Ես հավատում եմ մեր վերջնական հաղթանակին, Արցախի հիմնախնդ-րի արդարացի լուծմանը: Ուրախ եմ, որ պատերազմի առաջին օրից մինչ այսօր իմ ընտա-նիքով Ստեփանակերտից երբեք չեմ բացակայել և միշտ հարազատներիս հետ եմ եղել»:

Կինը` Նելլի Կարապետյանը, որ ավելի քան քառորդ դար գլխավորել է մանկական հան-րապետական հիվանդանոցի կոլեկտիվը, մեծ հարգանք եւ հեղինակություն է վայելել հանրության շրջանում: Իսկ որդին` Սերգեյը, Մոսկվայի Վիշնեւսկու անվան բժշկական ասպիրանտուրան ավարտելուց հետո ¥դա 1989-ի վերջերին էր¤ անմիջապես վերադար-ձել է հայրենիք ու որպես զինվորական բժիշկ կամավոր մեկնել դաշտային հոսպիտալ: Նա Արցախի պաշտպանության բանակի կենտրոնական ռազմական հոսպիտալի պետի տե-ղակալն է եղել: Պատերազմից հետո նշանակվել է ԱՀ առողջապահության նախարար: Մոսկվայում հաջողությամբ պաշտպանել է թեկնածուական թեզը, ստացել բժշկական գի-տությունների թեկնածուի գիտական աստիճան:

Զ. Մովսիսյանն Արցախի այն նվիրյալներից է, ով զբաղեցնելով բարձր պաշտոններ՝ հայրենիքի և ժողովրդի նկատմամբ ունեցած սերը միշտ բարձր է դասել «անձնական ու գերատեսչական բարձունքներից»: Նա անհաշտ պայքար է մղել Ադրբեջանի իշխանությունների խտրական քաղաքականության դեմ՝ իր ելույթներում քննադատելով անարդարությունն ու բյուրոկրատիզմը, կեղծիքը, ինչի համար Բաքվի անվտանգության ծառայության հեռադիտակի տակ էր: Նա այն պաշտոնյաներից է, ով լինելով կուսակցության քաղաքային կոմիտեի առաջին քարտուղարը՝ արցախյան շարժման առաջին օրերին մերժեց Ստեփանակերտ ժամանած Ադրբեջանի ղեկավարների՝ հանրահավաքը ցրելու պահանջները ու միացավ ժողովրդի ընդվզմանը:

Ափսոս, որ 80-ամյա հոբելյանից հետո, ընդամենը մեկ ամիս անց հանկարծահաս մահը Զ. Մովսիսյանին խլեց հարազատներից, ընկերներից, իր սիրելի ժողովրդից, որին նա անմ-նացորդ նվիրել է ողջ գիտակցական կյանքը: Մենք պարտավոր ենք հիշել նման անձանց ու հարգել նրանց պայծառ հիշատակը:

Կիսվել1Tweet1Կիսվել
 Հայաստանի Հանրապետություն

 Հայաստանի Հանրապետություն

Նույնատիպ Հոդվածներ

Սուրեն Վահունին՝ բանաստեղծը, երգիծաբանը, թարգմանիչը

Սուրեն Վահունին՝ բանաստեղծը, երգիծաբանը, թարգմանիչը

Մարտի 28, 2023
«Աներեւույթ շղթայի» երեւացող կողմերը

«Աներեւույթ շղթայի» երեւացող կողմերը

Մարտի 28, 2023

Հետաքրքրական է

Պատմության հետագծով

Հետաքրքրական է

Պատմության հետագծով

Ռազմական էներգետիկան՝ դասավանդման առարկա

Հետաքրքրական է

Հաջորդ Հոդվածը
«Ամարասը»՝ ժամանակի հետ համաքայլ

«Ամարասը»՝ ժամանակի հետ համաքայլ

«Իմ արքայական երակների մեջ հոսում էր արյունն Համլետի, Լիրի…»

«Իմ արքայական երակների մեջ հոսում էր արյունն Համլետի, Լիրի…»

Ամենաընթերցվածը

  • Կա՛ն մշտական թշնամիներ, որովհետեւ կա՛ն մշտական շահեր

    Կա՛ն մշտական թշնամիներ, որովհետեւ կա՛ն մշտական շահեր

    3 Կիսվել են
    Կիսվել 1 Tweet 1
  • «Հպարտ եմ, որ հայ եմ, հպարտ եմ, որ հայ եմ ծնվել…»

    2 Կիսվել են
    Կիսվել 1 Tweet 1
  • Այց անմահ հերոսներին

    1 Կիսվել են
    Կիսվել 0 Tweet 0
  • «Կայսերական մեծության» մորմոքը

    1 Կիսվել են
    Կիսվել 0 Tweet 0
  • Գիրք, որի էջերում արեւելքի լույսն է ու ջերմությունը

    1 Կիսվել են
    Կիսվել 0 Tweet 0

Սոցցանցեր

Ցանկ

  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք

Օգտակար Հղումներ

  • Armenpress
  • Armenpress | History
  • Республика Армения
  • Պատմություն
  • Հեղինակներ

Մեր Մասին

Հայաստանի Հանրապետություն՚ օրաթերթը ստեղծվել է 1990 թ.

Ներկայում օրաթերթը հրատարակվում է «Արմենպրես» լրատվական գործակալության կողմից:

 

Հասցե՝ Հայաստանի Հանրապետություն, ք. Երեւան, Արշակունյաց պող. 4, 13-14-րդ հարկեր Հեռ.՝ + (374 10) 52-57-56, Էլ-փոստ՝ [email protected]: Գովազդի համար`+(374 10) 52-69-74, +(374 96) 45-19-38, Էլ-փոստ՝ [email protected]

Ոչ մի արդյունք
Կարդալ ամբողջը
  • Հանրապետություն
  • Միջազգային
  • Սոցիում
  • Սփյուռք
  • Հոգեւոր
  • Մշակույթ
  • Այլք

Հասցե՝ Հայաստանի Հանրապետություն, ք. Երեւան, Արշակունյաց պող. 4, 13-14-րդ հարկեր Հեռ.՝ + (374 10) 52-57-56, Էլ-փոստ՝ [email protected]: Գովազդի համար`+(374 10) 52-69-74, +(374 96) 45-19-38, Էլ-փոստ՝ [email protected]

Welcome Back!

Login to your account below

Forgotten Password?

Create New Account!

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In

Add New Playlist