-1867 թ. օգոստոսի 31-ին մահացել է Շառլ Բոդլերը՝ ֆրանսիացի բանաստեղծ, արվեստաբան (ծնվ.՝ 1821 թ.):
-1908 թ. օգոստոսի 31-ին ծնվել է Վիլյամ Սարոյանը։ Ծնվել է Ֆրեզնոյում (ԱՄՆ, Կալիֆոռնիա)` Բիթլիսից գաղթած հայ ընտանիքում։ Գրողի ձեւավորման մեջ մեծ դեր են խաղացել ինքնակրթությունը, ամերիկյան ու համաշխարհային գրականության ընթերցումը, հարազատ ժողովրդի հոգեւոր մշակույթի, ավանդույթների, պատմության տարրերի ժառանգումը, հայկական շրջապատի ազգային ինքնատիպությունը (մահ.՝ 1981 թ.):
-1927 թ. օգոստոսի 31-ին մահացել է Անդրանիկ Օզանյանը՝ հայ ֆիդայապետ, նաեւ հայտնի է որպես Զորավար Անդրանիկ, Անդրանիկ Փաշա, հայ զորահրամանատար, պետական գործիչ: Առանձնակի դեր է խաղացել հայ ազատագրական շարժման գործում։ Մասնակցել է իր հայրենի երկրի բնակավայրերի պաշտպանությանը։ Անդրանիկն առաջին անգամ անցնում է Սասուն, բայց 1896 թ. մեկնում է արտասահման։ 1897 թ. Վազգեն Տերոյանի խմբի կազմում Անդրանիկը երկրորդ անգամ է մտնում Արեւմտյան Հայաստան, որտեղ մնում է մինչեւ 1904 թ.։ 1912-1913 թթ. Գարեգին Նժդեհի հետ միասին Անդրանիկի գլխավորությամբ հայ կամավորներից կազմակերպվում է վաշտ, որը մտնում է բուլղարական բանակի աշխարհազորի կազմում եւ մարտնչում Օսմանյան կայսրության բանակի դեմ։ Բուլղարական հրամանատարությունը բարձր գնահատեց հայկական վաշտի մասնակցությունը Առաջին Բալկանյան պատերազմին։
-1940 թ. օգոստոսի 31-ին ծնվել է Հենրիկ Էդոյանը՝ հայ բանաստեղծ, գրականագետ, բանասիրական գիտությունների դոկտոր (1990), պրոֆեսոր (1991)։ 2005 թ. արժանացել է ՀՀ նախագահի մրցանակին («Երեք օր առանց ժամանակի» գրքի համար)։ ՀՀ մշակույթի վաստակավոր գործիչ (2010)։
-1971 թ. օգոստոսի 31-ին ծնվել է Քրիս Թաքերը՝ ամերիկացի կատակերգակ դերասան եւ պրոդյուսեր:
-1988 թ. օգոստոսի 31-ին մահացել է Էդգար Էլբակյանը՝ թատրոնի եւ կինոյի հայ դերասան։ ՀԽՍՀ վաստակավոր արտիստ (1961), ՀԽՍՀ ժողովրդական արտիստ (1978), ՀԽՍՀ պետական մրցանակակիր (1979)։
-2014 թ. օգոստոսի 31-ին մահացել է Ռոմիկ Սարդարյանը՝ հայ բանաստեղծ:
