-1883 թ. սեպտեմբերի 3-ին մահացել է Իվան Տուրգենեւը՝ ռուս գրող, հրապարակախոս, թատերագիր եւ թարգմանիչ:
-1941 թ. սեպտեմբերի 3-ին ծնվել է Սերգեյ Դովլաթովը՝ հայ-հրեական ծագումով ռուս գրող։ Համարվում է ռուս ամենաընթերցվող ու ամենաշատ հրատարակվող գրողներից։ Բրոդսկու եւ Սոլժենիցինի հետ արտասահմանում 20-րդ դարի վերջի ռուսալեզու ամենաճանաչված գրողներից է։ Նրա գործերը թարգմանվել են աշխարհի ավելի քան 30 լեզուներով:
-1947 թ. սեպտեմբերի 3-ին ծնվել է Լեւոն Իշտոյանը՝ խորհրդային հայ ֆուտբոլիստ, խաղացել է ԽՍՀՄ ֆուտբոլի հավաքականի եւ Երեւանի «Արարատի» կազմերում՝ որպես հարձակվող, սպորտի վարպետ։ 1988 թ. արտագաղթել է ԱՄՆ եւ Լոս Անջելեսում բացել ֆուտբոլի դպրոց՝ «Արարատ», իսկ 2008-ին՝ Իշտոյանի ֆուտբոլի ակադեմիա։
-1967 թ. սեպտեմբերի 3-ին ծնվել է Տարոն Աճեմօղլուն՝ թուրքահայ նշանավոր տնտեսագետ:
-1983 թ. սեպտեմբերի 3-ին ծնվել է Գաբրիել Սարգսյանը՝ հայ շախմատիստ, գրոսմայստեր, աշխարհի թիմային ութերորդ առաջնության հաղթող (2011 թ.), շախմատային օլիմպիադաների եռակի հաղթող (2006, 2008, 2012 թթ.) Հայաստանի հավաքականի կազմում։
-1983 թ. սեպտեմբերի 3-ին ծնվել է Ռոման Ամոյանը՝ եզդի ազգության հայաստանցի ըմբիշ, Եվրոպայի առաջնությունների կրկնակի չեմպիոն (2006, 2011), աշխարհի առաջնությունների եռակի մեդալակիր (2009, 2010, 2013), Պեկինի ամառային օլիմպիական խաղերի բրոնզե մեդալակիր մինչեւ 55 կգ քաշայինների հունահռոմեական ըմբշամարտում։ 2011 թ. ընտրվել է Հայաստանի լավագույն մարզիկ:
-1991 թ. սեպտեմբերի 3-ին մահացել է Ֆրենկ Կապրան՝ իտալական ծագումով ամերիկացի ռեժիսոր:
