Բուդյոնովսկ՝ քաղաք ՌԴ Ստավրոպոլի երկրամասում, Բուդյոնովսկի շրջանի վարչական կենտրոնը: Հիմնադրվել է 1799 թ. Սուրբ Խաչ (Святой Крест) անունով, հայ վերաբնակների կողմից, ովքեր Պավել Առաջին կայսեր հրամանով հողեր էին ստացել Կումա գետի ձախ ափին: 1921 թ. ԽՍՀՄ ՆԳԺԿ որոշումով Սուրբ Խաչը վերանվանվել է Պրիկումսկ: 1935թ. ԽՍՀՄ Կենտգործկոմի որոշմամբ Պրիկումսկը վերանվանվել է Բուդյոնովսկ: 1957 թ. անհատի պաշտամունքի դեմ քաղաքական պայքարի տարիներին որոշում է ընդունվել բնակավայրերը կենդանի առաջնորդների անունով չանվանակոչել, եւ այդ որոշման հետքերով Բուդյոնովսկը կրկին վերանվանվել է Պրիկումսկ: 1973 թ. Ռուսաստանի Գերագույն խորհրդի որոշմամբ Պրիկումսկ անվանը կրկին փոխարինել է Բուդյոնովսկ անունը: Քաղաքում նախկինում գործած երեք հայկական եկեղեցիներից երկուսը խորհրդային տարիներին փլվել են, իսկ մեկը` Սուրբ Խաչ մատուռը, պահպանվել է մինչ օրս:
Երկուշաբթի, Օգոստոսի 18, 2025
