Գրադարանավարի օրվա առթիվ «Արվեստագետ» կրթամշակութային հասարակական կազմակերպության կողմից պարգեւատրվեցին Հայաստանի ազգային պոլիտեխնիկական համալսարանի Վանաձորի մասնաճյուղի գրադարանավարներ Սիրուշ Տավարածյանը, Ռուզաննա Դանիելյանը, Գոհար Հարությունյանը եւ մասնաճյուղի ավագ դպրոցի գրադարանավար Նառա Աղամովան։
Շնորհավորանքի խոսք է ասել եւ գրադարանավարի գործը կարեւորել ու շնորհակալագրերը հանձնել է վերոնշյալ «Արվեստագետ» ՀԿ-ի նախագահ Իվան Անտոնյանը։
ՀԱՊՀ մասնաճյուղի տնօրեն, տեխնիկական գիտությունների թեկնածու, դոցենտ Արմեն Խառատյանը նույնպես շնորհավորել է տոնական օրվա առթիվ եւ կարեւորել բուհի համագործակցությունը նմանատիպ կրթամշակութային կառույցների հետ։
Հանդիպումն ավարտվել է գրադարանավարների երախտագիտության խոսքով:
