Մուրսիայի տաճար՝ կաթոլիկ եկեղեցի, որը Իսպանիայի Մուրսիա քաղաքում է։ Դա միակ տաճարն է Իսպանիայում, որ ներառված է Նոր Կարթագենի Հռոմեական կաթոլիկ թեմում։
Արագոնայի քրիստոնյա թագավոր Խաիմե 1-ինը նվաճեց քաղաքը։ Չնայած նրան, որ քաղաքի մուսուլմանների հետ կնքել էր պայմանագիր, որի համաձայն՝ նրանք իրավունք չունեին ոչնչացնել մզկիթները, Խաիմեն գրավեց Մեծ մզկիթը՝ Մարիամ Աստվածածնին նվիրելու համար։ Եկեղեցու կառուցումը սկսվել է 13-րդ դարում, այն նույն վայրում, որտեղ Մեծ մզկիթն էր։ 1385 թ. սկսվեց հիմնադրումը, իսկ 1388-ին դրվեց առաջին քարը։ Սակայն շինարարությունը սկսվեց 1394 թ. եւ ավարտվեց 1467-ի հոկտեմբերին։ Այնուամենայնիվ, տաճարը շարունակում էր զարգանալ մինչեւ 18-րդ դարը, ինչը նշանակում է, որ տաճարը կառուցված էր տարբեր գեղարվեստական ոճերով։
Զանգակատունը կառուցվել է 1521-1791 թթ., կանգնած է 90 մետր բարձրության վրա եւ ունի 95 մետր բարձրություն հողմացույցի հետ միասին։ Իսպանիայում ամենաբարձր զանգակատունն է։ Աշտարակն ունի հինգ հարկ։ Աշտարակում միավորված է ոճերի մելանժ։
